एसिया कप क्रिकेट छनोटः नेपालद्वारा मलेसियासामु २७६ रनको विशाल लक्ष्य

एसिया कप क्रिकेट पुरुष छनोटअन्तर्गतको खेलमा नेपालले मलेसियासामु २७६ रनको विशाल लक्ष्य प्रस्तुत गरेको छ। सिंगापुरमा मलेसियाले टस जितेर बलिङ रोजेपछि ब्याटिङ गरेको नेपालले निर्धारित ओभरमा ७ विकेट गुमाएर २७५ रनको योगफल तयार पारेको हो।

नेपालका लागि कुशल भुर्तेलले १२६ रन बनाए। ५४ बलको सामना गरेका उनले १४ चौका र ८ छक्का प्रहार गरे। कुशल भुर्तेल टी-२० अन्तर्राष्ट्रियमा सर्वाधिक रन बनाउने नेपाली क्रिकेट बनेका छन्। कुशलले कप्तान दीपेन्द्र सिंह ऐरीको यसअघिको २२११ रनको कीर्तिमान तोडेका हुन्।