जग्गा भाडादेखि विद्युत र पानीको महशुलसमेत बुझाउँदैनन् उद्योगीहरु

काठमाडौं । देशका विभिन्न औद्योगिक क्षेत्रभित्र सञ्चालित उद्योग र फर्महरूले वर्षौंदेखि जग्गा र भवनको भाडा मात्र होइन, आफूले उपभोग गरेको विद्युत् र पानीको महसुलसमेत तिरेका छैनन् । ६३५ वटा उद्योग र निकायहरूबाट कुल ८८ करोड ४५ लाख रुपैयाँभन्दा बढी बक्यौता उठ्न बाँकी छ ।

औद्योगिक क्षेत्र व्यवस्थापन लिमिटेडले ७ दिने अन्तिम चेतावनीयुक्त सार्वजनिक सूचना जारी गर्दै बक्यौता तिर्न उर्दी जारी गरेको छ । तर, बक्यौता नतिरेका उद्योगीहरु आफूहरु माथि मानमर्दन भएको भन्दै सरकारको कदमविरुद्ध आन्दोलित बनेका छन् । आखिर किन उठेन ८८ करोड बक्यौता ? को–को हुन् ठूला बक्यौता नबुझाउने उद्योगी, किन चर्कियो विवाद ?