सुदूरपश्चिममा ६० करोड बढी बेरुजु, ५ करोड बढी असुल गर्नुपर्ने

कैलाली । सुदूरपश्चिम प्रदेशका विभिन्न निकाय तथा कार्यालयहरूको गत वर्ष ६० करोड बढी बेरुजु देखिएको छ । सुदूरपश्चिम प्रदेश प्रमुख नजिर मियाँलाई पेश गरिएको गत आर्थिक वर्षको महालेखा परीक्षकको प्रतिवेदनमा ६० करोड ४८ लाख ८९ हजार बेरुजु रहेको उल्लेख गरिएको छ ।

आर्थिक वर्ष २०८१/०८२ मा प्रदेशका १५९ कार्यालयको लेखा परीक्षण गर्दा ५ करोड ४९ लाख ३३ हजार असुलउपर गर्नुपर्ने बेरुजु देखिएको छ । त्यस्तै, ५० करोड ९ लाख ६७ हजार नियमित गर्नुपर्ने र ४ करोड ८९ लाख ८९ हजार पेस्की बाँकी रहेको प्रतिवेदनमा उल्लेख गरिएको छ ।