भैरहवा देखि नेपालगंजसम्म बसोबास गर्दै आएका अवधि समुदायको कथा बोकेर निर्देशक विकास न्यौपानेले निर्देशन गरेको चलचित्र "लछमनिया' यसपटकको एकादेशमा अन्तराष्ट्रिय लघु चलचित्र महोत्सवमा प्रदर्शनकोलागि छनौट भएको छ । "लछमनिया" अवधी समुदायमा हुने विवाहसंग सम्बन्धित कथा हो, यो समुदायमा रहेको "गौना"को चलनलार्इ चलचित्रमा प्रस्तुत गर्न खोजिएको छ ।
यो पनि हेर्नुहोस् : "एकादेशमा"मा प्रदर्शन हुदै लघुचलचित्र "The Colors Of Life"
अवधि समुदाय र गौनाको बारेमा थुप्रै मानिसहरुलार्इ केहि अत्तो पत्तो नहुन सक्छ । यसअघी "The Silence Of Rickshaw" नामक लघुचलचित्र निर्देशन गरेका विकास न्यौपानेले धेरै समय र परिश्रम खर्चेर "लछमनिया" निर्माण भएको हाम्रो पात्रोसंगको कुराकानीमा बताए।
विकास न्यौपानेसंगको कुराकानी हाम्रो अडियो सामाग्रीमा सुन्न सक्नुहुनेछ ।
एकादेशमा अन्तराष्ट्रिय लघुचलचित्र महोत्सवमा प्रदर्शन हुने ४० भन्दा धेरै देशका ९० भन्दा धेरै लघु चलचित्र हेर्न आफ्नो सहभागिता अवश्य जनाउनु होला । महोत्सव १६ नोभेम्बरदेखि १९ नोभेम्बरसम्म कुमारी सिनेमा हलमा चल्नेछ ।
Liked by:
