International Civil Aviation Day | अन्तर्राष्ट्रिय नागरिक उड्डयन दिवस | २०७८ मंसिर २१ | Hamro Patro

आउँदा दिनहरु

राशीफल

साहित्य / ब्लग

Nov/Dec 2021
२०७८ मंसिर
२१
मंगलवार
Dec 07, 2021

अन्तर्राष्ट्रिय नागरिक उड्डयन दिवस ( International Civil Aviation Day )
MY NOTE
तपाईँले आजको मिति पछि को नोट हाल्नु भएको छैन । तपाईँले जन्मदिन, मिटिङ्ग, सम्झनु पर्ने कुराहरु, बिल तिर्ने दिन आदि नोटहरु टिप्न सक्नुहुन्छ ।

अन्तर्राष्ट्रिय नागरिक उड्ययन दिवस




अन्तर्राष्ट्रिय नागरिक उड्ययन दिवस विशेष अडियो सामग्री

माथिमाथि आकाशमा उड्ने विमानहरु, आकाशमा उडिरहेका विमानहरुले बोकेका यात्रुहरु र अरु धेरै सन्दर्भहरु । हामीले कहिले गाउँघरमा यी विमानहरुलाई चिलगाडी भनेर सम्बोधन गरेका छौँ त कहिले एयरप्लेन वा हवाइजहाज । जे भने पनि एक ठाउँबाट अर्को ठाउँमा वा विश्वको एउटा कुनाबाट अर्को कुनामा जान सम्पूर्ण मानव जातिलाई यात्राको सबैभन्दा सहज माध्यम बनाएको छ, विमानले ।

आज विश्वभर यही विमान र यसको सुरक्षा, यसले विश्वको सामाजिक तथा आर्थिक विकासमा पारेको प्रभावलाई सम्झिएर अन्तर्राष्ट्रिय नागरिक उड्डयन दिवस मनाउने गरिन्छ ।

सबैभन्दा पहिले यो दिवस मनाउन थालिएको हो, सन् १९९४ मा । अन्तर्राष्ट्रिय नागरिक उड्डयन संघ (आइकाओ)ले ७ डिसेम्बरलाई अन्तराष्ट्रिय नागरिक उड्डयन दिवस मनाउन थालेको हो । उड्डयनको प्राथमिकता र अन्तर्राष्ट्रिय उड्डयनका कारण भएको सामाजिक तथा आर्थिक विकासलाई सम्झिन र दर्शाउनका लागि आजको दिन विश्वभर दिवसका रुपमा मनाउन थालिएको हो । आइकाओको यही मागलाई सन् १९९६ मा संयुक्त राष्ट्रसंघको महासभाले पनि पारित गरेको थियो । राष्ट्रसंघको महासभाले पारित गरेपछि ७ डिसेम्बरलाई विश्वभर अन्तर्राष्ट्रिय नागरिक उड्डयन दिवसका रुपमा मनाउन थालिएको हो ।

यो वर्ष यो दिवस मनाउँदाको मूल नारा ‘कुनै देश पछाडि नपरुन् भनेर सँगसँगै काम गरौँ’ भन्ने रहेको छ । अर्थात् विश्वभर छरिएर रहेका साना ठूला देशहरुमा सबैको आकाशसँगको सम्बन्ध बनाउन सकियोस्, कनेक्टिभिटी सबैका लागि होस् भन्ने हो ।

नेपालमा पनि उड्डयन क्षेत्रको नियमन तथा विकासका लागि सन् १९५७ मा नागरिक उड्डयन प्राधिकरणको स्थापना गरिएको छ । उड्डयनको सुरक्षा, गुणस्तरीय सेवाको व्यवस्था, अन्तर्राष्ट्रिय मापदण्डहरु नेपालमा प्रयोग गर्नु, पछिल्लो विकास र प्रविधिलाई पनि नेपालमा प्रयोग गर्नु र यो क्षेत्रको नियमन गर्नु नै नेपालको नागरिक उड्डयन प्राधिकरणको मुख्य उद्देश्य हो ।

नेपालमा पनि पछिल्लो समय दुर्गम जिल्लाहरुमा अब नियमति उडान हुन थालेका छन्, यो क्षेत्रमा पछिल्ला वर्षमा निकै विकास भएको देख्न पाइन्छ । हुन पनि उड्डयनको क्षेत्रमा विकास नहुने हो भने हामीलाई विश्वको समयसँगै अगाडि बढ्न निकै कठिन हुन्छ । विश्वमा विमानको आविष्कार नभएको भए सात समुद्रपारि गएर आफ्ना चाहना र इच्छा, मनोकामना र सपना पूरा गर्न कसले पो सक्थ्यो होला र ?

एकातिर यति धेरै फाइदाहरु नागरिक उड्डयनको विकासका कारण भएका छन् भने हाम्रो समुदाय विमान दुर्घटनाहरुको पनि शिकार बनिरहेको छ । विमान दुर्घटनाहरु अझ बढी घातक किन लाग्छन् भने विमान दुर्घटनापछि कोही पनि यात्रु जीवित रहने सम्भावना विरलै हुन्छ । नेपालमा पनि भएका केही दुर्घटनाहरुमा हामीले समाजका लागि ठूलो योगदान गरिरहेका हर्क गुरुङ, रबीन्द्र अधिकारीलगायतका व्यक्तिहरु गुमाएका छौँ ।

आजको दिन नागरिक उड्डयनको क्षेत्रमा अझ विकासले फड्को मारोस् र हाम्रा आकाशहरु थप सुरक्षित होउन् भन्ने कामनासहित हाम्रो पात्रो परिवारको तर्फबाट तपाईंहरु सबैलाई शुभकामना ।



आउँदा दिनहरु

राशीफल

साहित्य / ब्लग

Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.