Som Pradosh Vrata/World Population Day | सोम प्रदोष व्रत/विश्व जनसंख्या दिवस | २०७९ असार २७ | Hamro Patro

आउँदा दिनहरु

ज्योतिषहरू

  • call
    TALK TO JYOTISH
  • राशीफल

    साहित्य / ब्लग

    Jun/Jul 2022
    २०७९ असार
    २७
    सोमवार
    Jul 11, 2022
    असार शुक्ल द्वादशी
    सोम प्रदोष व्रत/विश्व जनसंख्या दिवस ( Som Pradosh Vrata/World Population Day )
    MY NOTE
    तपाईँले आजको मिति पछि को नोट हाल्नु भएको छैन । तपाईँले जन्मदिन, मिटिङ्ग, सम्झनु पर्ने कुराहरु, बिल तिर्ने दिन आदि नोटहरु टिप्न सक्नुहुन्छ ।

    सोम प्रदोष व्रत/विश्व जनसंख्या दिवस




    विश्व जनसंख्या दिवस विशेष अडियो सामाग्री

    प्रदोष भनेको के हो ?
    त्रयोदशीलाई प्रदोष भनिन्छ । एकादशीमा विष्णुलाई स्मरण गरिन्छ भने प्रदोषमा शिवको स्मरण गरिन्छ । प्रदोष काल सूर्यास्त हुनुभन्दा ४५ मिनेट अगाडि सुरु हुन्छ र सूर्यास्तको ४५ मिनेटपछि समाप्त हुन्छ। प्रदोष कथा चन्द्रमाको क्षय हुने रोग अर्थात् चन्द्रमाको प्रभाव कम हुँदै जाने अवस्थामा भगवान् शिवले त्रयोदशीका दिन चन्द्रमाको रोग निवारण गरिदिनुभएको शास्त्रमा उल्लेख छ । यस कारणले हरेक महिनाको त्रयोदशीमा भगवान् शिवको स्मरण गर्दै प्रदोष व्रत लिइन्छ।

    आज सोमबारका दिन प्रदोष व्रत परेकाले सोम प्रदोष व्रत भनिएको हो । सोमवार शिवको प्यारो वार मानिन्छ, यसर्थमा आजको प्रदोष व्रत दिने र शिवको महिमा गान गर्नेहरूलाई असाध्यै धेरै पवित्रता र शुद्धता प्राप्त हुने विश्वास छ ।

    प्रदोष व्रत कहिले गर्ने ?
    प्रदोष व्रतको पूजा आफ्नो नगरको सूर्यास्तको समय अनुसार प्रदोष कालमा गर्नुपर्छ।

    प्रदोषमा के नगर्ने ?
    प्रदोषको समयमा भगवान् शिवको पूजा नगरी भोजन नगर्नुहोस्। व्रत बस्दा खाना, नुन, खुर्सानी आदिको सेवन नगर्ने ।

    प्रदोष व्रतमा पूजा गर्दा थालमा के के राख्ने ?
    पूजा थालीमा अबीर, चन्दन, कालो तिल, फूल, धतुरा, बिल्व पत्र, शमी पत्र, जनै, दीप, कपूर, अगरबत्ती र फलफूल राखेर पूजा गर्ने ।

    विश्व जनसङ्ख्या दिवसको पृष्ठभूमि


    सन् १९८९ बाट हरेक वर्ष विश्वभरिका जनसङ्ख्याका मुद्दाहरूलाई सम्बोधन गर्ने हेतुले विश्व जनसङ्ख्या दिवस हरेक वर्ष जुलाई महिनाको ११ तारेखका दिन मनाउन थालिएको हो । रोचक कुरा त के छ भने सन् १९८७ को जुलाई ११ तारिखका दिन विश्वको जनसङ्ख्या करिब ५ अरब पुगेको अवसरमा भएको पपुलेशन समिटले यो दिवस मनाउने घोषणा गरेको हो । हाल विश्वमा करिब ८ अर्बभन्दा धेरै जनसङ्ख्या रहेको राष्ट्र सङ्घको एक अध्ययनले देखाएको छ । यो दिवस नेपालमा पनि विभिन्न कार्यक्रमको आयोजना गरी मनाउने गरिएको छ ।

    एउटा आदर्श विश्वको परिकल्पना
    एक आदर्श संसारमा, ८ बिलियन मानिसहरू सहित अधिकार र विकल्पहरूद्वारा सशक्त स्वस्थ समाजहरूको लागि ८ बिलियन अवसरहरू हुनपर्दछ । लैङ्गिक, जातीय, वर्ग, धर्म, यौनिकता, अपाङ्गता र उत्पत्तिको आधारमा अन्य कारकहरू मध्ये, धेरै अझै पनि भेदभाव, उत्पीडन र हिंसाको सामना गरिरहेका छन्। ८ बिलियन जनसङ्ख्या मध्य अधिकांशलाई पछाडि छाडेर विश्व अगाडि बढ्न सक्दैन, विश्व जनसङ्ख्या दिवसमा एक आदर्श विश्वको परिकल्पना गर्दै समानता र अवसरको बिकेन्द्रिकरणलाई जोड दिइन्छ । अझ यस वर्षको जनसङ्ख्या दिवसमा सुरक्षा, रोजगारी र शिक्षा खोज्दै विश्वका अन्य विकसित देशहरूमा जाने आप्रवासी जनसङ्ख्या को समानता र अधिकारको पनि पैरवी गरेर मनाइदै छ ।

    वार्षिक २७ करोड जनसङ्ख्या रोजगारीको खोजीमा एक देशदेखि अर्को देशमा जाने गरेका आइएलओको प्रतिवेदनमा उल्लेख छ । जसमा दैनिक विश्वभर शिक्षा, रोजगार र अन्य अवसरको खोजीमा वार्षिक ४० करोड जनसङ्ख्या स्थानान्तरण हुने गरेका छन् । र यस सख्याँमा ४५ प्रतिशतभन्दा बढी चाहिँ सार्क देशबाट जाने क्रियाशील जनसङ्ख्या को योगदान छ । सार्क राष्ट्रको सदस्य राष्ट्र नेपालमा हामीले आफ्नो समाज र परिवारमा नै यस कुरा देखेकै छौं । आज विश्व जनसङ्ख्या दिवसमा एउटा आदर्श विश्वमा सबैका लागि समान अवसरहरूको पैरवी गरिँदै छ ।

    हाम्रो पात्रोका लागि सुयोग ढकाल



    आउँदा दिनहरु

    ज्योतिषहरू

  • call
    TALK TO JYOTISH
  • राशीफल

    साहित्य / ब्लग

    Liked by
    Liked by
    0 /600 characters
    Hamro Patro - Connecting Nepali Communities
    Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.