बुधाष्टमी व्रत

बुधाष्टमी श्रद्धा, भक्ति र आध्यात्मिक महत्वले भरिएको पर्व हो। यस दिन विशेष रूपमा भगवान शिव र माता पार्वतीको पूजा–आराधना गरिन्छ। भक्तजनहरू व्रत बस्ने, मन्दिर दर्शन गर्ने तथा ईश्वरसँग सुख, समृद्धि र कल्याणको कामना गर्ने गर्छन्। सनातन परम्पराअनुसार बुधाष्टमीको व्रत श्रद्धापूर्वक गर्ने व्यक्ति मृत्युपछि नर्क जानु पर्दैन भन्ने धार्मिक विश्वास छ। साथै, यस दिनको पूजा–आराधनाले जीवनमा सुख, शान्ति, समृद्धि र मंगल प्राप्त हुने जनविश्वास रहेको छ।

आज के गरिन्छ?
यस दिन बुध ग्रहलाई विशेष नैवेद्य अर्पण गरिन्छ र पूजा सकिएपछि मात्र यी नैवेद्यहरू लगायत प्रसादीहरु वितरण गर्न र भोजन गर्न दिइन्छ । यसका अलावा भगवान बुद्धको धातुमा अकिंत प्रतिमामा पनि अर्चना गर्ने चलन पनि आजका दिनमा पाइन्छ । बुद्ध अष्टमी व्रतका महिमाहरू ब्रह्माण्ड पुराणमा पाइन्छ, बुध ग्रहको दोष भएका मान्छेहरूका लागि यस दिन विशेष फल दिने दिन रहन्छ । सबै जनालाई बुद्धअष्ठमीको अनेक शुभकामना ।