संयुक्त राज्य अमेरिकाका राष्ट्रपति डोनल्ड ट्रम्पले घोषणा गरेअनुसार ९० भन्दा बढी देशले तिनका सामान अमेरिका जाँदा तिर्नुपर्ने नयाँ ट्यारिफको दर बिहीवारदेखि कार्यान्वयनमा आएको छ।

ट्यारिफ लागु भएपछि अब विभिन्न देशबाट अमेरिका सामान आयात गर्ने कम्पनीहरूले अमेरिकी सरकारलाई कर तिर्नुपर्ने छ। ती कम्पनीहरूले त्यसरी बढेको खर्चको भार उपभोक्तामाथि थपिदिने अनुमान विज्ञहरूको छ।

अमेरिकामा उच्च ट्यारिफ तिर्नुपर्ने देशमध्ये ब्रजिल पनि पर्छ। ब्रजिलबाट आयातित अधिकांश वस्तुमा ५० प्रतिशत शुल्क तोकिएको छ।

वरपरका देश 'ट्रम्प ट्यारिफ'ले चिन्तित बन्दा नेपालले देखेको अवसर

चीनसँगको सहमतिले दुर्लभ खनिज र चुम्बक आपूर्तिका चिन्ता समाधान हुने अमेरिकाको आशा

भारतमाथि पनि ट्रम्पले ५० प्रतिशत शुल्क तोकेका छन्। भारतीय वस्तुमाथि २७ अगस्टदेखि ट्यारिफ लाग्ने छ।

नेपाली वस्तुमाथि पनि ट्रम्पले ट्यारिफ लगाएका छन्। तर त्यो १० प्रतिशत मात्र छ।

अमेरिका र चीनबीच ट्यारिफको विषयमा वार्ता भइरहेको छ। दुवै देश १२ अगस्टसम्म नयाँ ट्यारिफ लागु नगर्न सहमत भएका छन्।

मेक्सिकोका लागि केही राहत दिँदै ट्रम्पले ९० दिनसम्म पुरानै दर लागु गर्ने बताएका छन्। उनले मेक्सिकोमाथि लगाएको ट्यारिफ बढाएर ३५ प्रतिशत पुर्‍याउने चेतावनी दिँदै आएका थिए। अमेरिकाले उत्तरी छिमेकी देश क्यानडामाथि गत शुक्रवारदेखि लागु हुने गरी ३५ प्रतिशत ट्यारिफ लगाएको छ।

यद्यपि अमेरिका, मेक्सिको र क्यानडाले गरेको एउटा त्रिपक्षीय व्यापार सहमतिअनुसार अधिकांश वस्तुमा उक्त ट्यारिफ लाग्दैन।

यहाँ देशअनुसार अमेरिकाले गर्ने आयातको हिस्सासहित र ट्रम्पले लगाएको ट्यारिफको दरको सूची प्रस्तुत गरिएको छ।

रुसी तेल खरिद गरेकोमा भारतलाई थप २५ प्रतिशत कर लगाउने ट्रम्पको घोषणा

अमेरिका पठाउने लुगा बनाउने मजदुरहरू ट्रम्पका कारण जागिर गुम्ने पिरलोमा

युरोपेली सङ्घ र मेक्सिकोले अगस्टदेखि ३० प्रतिशत 'ट्यारिफ'को सामना गर्नुपर्ने ट्रम्पको भनाइ

ट्रम्पको दोस्रो कार्यकाल: बाँकी विश्वका लागि अर्थ के?

ट्रम्पको आयात शुल्कको विश्वव्यापी प्रभाव, मारमा अमेरिकी साझेदारदेखि साना देशसम्म

बीबीसी न्यूज नेपाली यूट्यूबमा पनि छ। हाम्रो च्यानल सब्स्क्राइब गर्न तथा प्रकाशित भिडिओहरू हेर्न यहाँ क्लिक गर्नुहोस्। तपाईँ फेसबुक, इन्स्टाग्राम र ट्विटरमा पनि हाम्रा सामग्री हेर्न सक्नुहुन्छ। अनि बीबीसी नेपाली सेवाको कार्यक्रम बेलुकी पौने नौ बजे रेडिओमा सोमवारदेखि शुक्रवारसम्म सुन्न सक्नुहुन्छ।