टिकटकः १६ वर्षे अमेरिकी किशोरीको नयाँ कीर्तिमान, फलोअर सङ्ख्या १० करोड नाघ्यो
DAILY DIGEST (Click here to view daily digest)

टिकटकः १६ वर्षे अमेरिकी किशोरीको नयाँ कीर्तिमान, फलोअर सङ्ख्या १० करोड नाघ्यो

bbc.com . २ महीना अघि

टिकटकमा फलोअरको सङ्ख्या १० करोड नघाउने कीर्तिमान पहिलो पटक एक अमेरिकी किशोरीले बनाएकी छन्।

लोकप्रिय भिडिओ शेअरिङ माध्यम टिकटक चलाउन थालेको डेढ वर्षमा कनेटिकट निवासी १६ वर्षीया चार्ली ड'मिलिओले सर्वाधिक फलोअर बनाउन सकेकी हुन्।

केही दिनअघि यूट्यूबमा प्रकाशित एउटा भिडिओमा उनको व्यवहारका कारण उनी विवादमा परेकी थिइन्।

उनको परिवारले सञ्चालन गरेको रीयालिटी शृङ्खला 'डिनर विथ द ड'मिलिओ' को पहिलो भागमा ती किशोरीले आफ्ना भान्सेसँग अपमानपूर्वक व्यवहार गरेको भनेर आलोचना गरिएको थियो।

अमेरिकामा प्रतिबन्धबाट जोगियो टिकटक

भारतमा टिकटकजस्तै नयाँ एप ल्याउँदै यूट्यूब

विरोधस्वरूप ६,००,००० भन्दा बढी मानिसले उनलाई फलो गर्न छोडेका थिए।

तर क्षमायाचनासहित आफूले राम्रो व्यवहार गर्ने वाचा गर्दै उनले एउटा भिडिओ प्रेषित गरेपछि उक्त विवाद टुङ्गिएको थियो।

टिकटकमा कीर्तिमान बनेपछि चार्लीले आफ्ना शुभचिन्तक र प्रशंसकहरूलाई ट्विटरमार्फत् धन्यवाद दिएकी छन्।

"दश करोड मानिसले मलाई समर्थन गर्दैछन्.... यो वास्तविक हो भनेर म विश्वास गर्न सकिरहेकी छैन," उनले लेखेकी छन्।

दशौँ लाख डलर कमाइ

धेरै प्रयोगकर्ताले जस्तै पहिलो पटक चार्लीले पनि शयनकक्षमा नाचेको व्यक्तिगत भिडिओ टिकटकमा हालेकी थिइन्।

गत वर्ष टिकटक र बाहिर पनि उनको धेरै चर्चा भयो। पाँच करोड फलोअर हुने पहिलो कीर्तिमान पनि उनले गत एप्रिलमा राखेकी थिइन्।

टिकटकः एउटा रमाइलो एप कसरी बन्यो अमेरिकाको लागि 'सुरक्षा खतरा'

अमेरिकन आईडलका परिकल्पनाकार टिकटकमा नयाँ प्रतिभा खोज्दै

गत वर्ष उनले एउटा एनिमेटिड चलचित्र 'स्टारडग एन्ड टर्बोक्याट'का लागि आफ्नो स्वाराङ्कन गराइन्।

फ्याशन र सौन्दर्य प्रशाधनका विश्वविख्यात ब्र्यान्डहरूसँग उनको व्यावसायिक सम्बन्ध छ। यही वर्ष उनको एउटा पुस्तक पनि प्रकाशित हुँदैछ।

फोर्ब्सका अनुसार गत वर्ष उनले विभिन्न ब्र्यान्डसँग गरिएका सम्झौताबाट नै ४० लाख अमेरिकी डलर कमाएकी थिइन्।

विवाद

यो वर्षको आरम्भतिर टिकटकमा "रेनगेड" नृत्य ट्रेन्ड हुँदा उनलाई श्रेय दिइएपछि चार्ली विवादमा परेकी थिइन्।

त्यो नृत्य वास्तवमा जोर्जिआकी जालैया ह्यार्मोन नामक अश्वेत किशोरीले सुरु गरेकी थिइन्।

चार्लीले आफूले त्यो ट्रेन्ड सुरु गरेको दाबी गरेकी थिइनन्।

तर टिकटकको एल्गोरिदममा उत्पन्न समस्याका कारण जातीय पूर्वाग्रह झल्किनेगरी विवाद उत्पन्न भएको थियो।

यो पनि हेर्नुहोस्

'टिकटकमा भिडिओ हाल्दैमा मेरी बहिनीलाई किन जेल?'

भारतमा टिकटक प्रतिबन्धित भएपछि ‘स्टार’हरूको भविष्य अन्योलमा

Comment
Liked by
Liked by
0 /600 characters
उस्तै समाचारहरू
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.