Singh Sankranti/Walke Parwa | सिंह संक्रान्ति/वल्के पर्व | २०७९ भदौ १ | Hamro Patro

आउँदा दिनहरु

ज्योतिषहरू

  • call
    TALK TO JYOTISH
  • राशीफल

    साहित्य / ब्लग

    Aug/Sep 2022
    २०७९ भदौ

    बुधवार
    Aug 17, 2022
    भदौ कृष्ण षष्ठी
    सिंह संक्रान्ति/वल्के पर्व ( Singh Sankranti/Walke Parwa )
    MY NOTE
    तपाईँले आजको मिति पछि को नोट हाल्नु भएको छैन । तपाईँले जन्मदिन, मिटिङ्ग, सम्झनु पर्ने कुराहरु, बिल तिर्ने दिन आदि नोटहरु टिप्न सक्नुहुन्छ ।

    सिंह संक्रान्ति/वल्के पर्व




    सिंह संक्रान्ति विशेष अडियो सामाग्री

    सङ्क्रान्ति के हो ?
    वैशाख, ज्येष्ठ, आषाढ, श्रावण अनि अब भाद्र महिनाको प्रथम दिन अर्थात् आज सङ्क्रान्ति । महिनाको प्रथम दिनलाई नै सङ्क्रान्ति भनिन्छ । यस अर्थमा एक वर्षमा १२ वटा सङ्क्रान्ति हुन्छ र आजको भाद्र सङ्क्रान्ति लाई सिंह सङ्क्रान्ति पनि भनिन्छ । आजका दिन सूर्य कर्कट राशिबाट सिंह राशिमा प्रवेश गर्ने भएकाले सिंह सङ्क्रान्ति भनिएको हो ।

    सिंह सङ्क्रान्तिको पृष्ठभूमि
    अब एकतमासको घाम अनि वर्षा पछिको शीतलता अनि थप आर्द्रता सहितको गर्मी सुरु हुने तरखरमा छ, अब घामको ताप र औसत शीतलताले दसैँको आगमनको सङ्केत दिनेछ र विशेष निलो अनि सफा आकाश खुल्ने भएकोले गर्दा बर्षायामबाट आजित आखाँहरुले नयाँ अनि बद्लिँदो मौसमको फरक दृश्य र फरक दैनिकी महसुस गर्न पाउनेछन् । हरेक बिहानका वातावरणले एक खाले चाड वाडको बेग्लै सुगन्ध छर्ने गर्छ । पारिला घामका रापहरू अनि घरी(घरी आकाश कालो-मैलो देखिनुका साथै धुम्मिल्य आकाशका मुनी हरियालीयुक्त वातावरण अनि सफा वातावरणको अनुभूति अबका केही महिनाका सुखद सङ्केत हुन् ।

    सिंह सङ्क्रान्तिको महत्त्व
    भदौमा आँखा फुटेका गोरुले पनि हरियो नै देख्छु भन्ने उखानले भन्न खोजे झैँ यो महिनाले ओगटेको पर्याप्त पानी तथा हरियाली विशेषता हो । यस दिन भगवान् विष्णु र सूर्यनारायणको विशेष पूजा अर्चना गर्ने गरिन्छ र यस्ता पूजा अर्चनामा रङ्गिविरङ्गि पुष्प, फलफूल अनि नैवेद्यका रूपमा विभिन्न मिठाई आदि चढाइन्छ ।

    सूर्य चन्द्रले हामीलाई सदैव सहि मार्गमा निर्दिष्ट गरुन् अनि मेहनत र भाग्यको अनुपम मिश्रण हाम्रो जीवनमा सधैँ कायम होस्, शुभ दिन ।

    एउटा दार्शनिक पर्व
    सुदूरपश्चिममा मनाइने यस वल्के पर्वको पृष्ठभूमि मानव जीवनका शाश्वत सत्यहरूसँग सम्बन्ध राख्दछ । वैशाखको गर्मी र खडेरीमा मरौँला भनेर मन लागेको खाने पर्वका रूपमा बिशु पर्व मनाइन्छ भने वैशाखलाई छिचोलेपछि बर्खाको झरी र बाढी कटियो भनेर भदौ सङ्क्रान्ति मा वल्के पर्व मनाइन्छ ।

    वल्के पर्व कसरी मनाइन्छ ?
    वल्के पर्व चाहिँ श्रावण मसान्त र भदौ सङ्क्रान्ति गरी २ दिन मनाइन्छ । मसान्तको दिन घरमा मिठो मसिनो खाने र भोलिपल्ट चाहिँ बर्खामा पलाएका पिँडालुको कलिलो पात, दूध र दही लगायतका मिठाईहरू छिमेकीहरूमा सगुनका रूपमा बाँड्ने चलन छ । सगुनका रूपमा यसरी ठुलाबडाहरूलाई जति धेरै परिकारहरू दिन सक्यो त्यति नै धर्म हुने विश्वास छ । यसरी दिइने सगुनहरूमा किनेका कुराहरू भन्दा आफ्नै बारीमा फलेका तुलफुलहरू दिने चलन छ ।

    सङ्क्रान्ति को दिन बिवाहिता छोरीहरूलाई घरमा बोलाएर स्थानीय परिकारहरू लाउन (पुरी), बावर (सेल), चामलको पिठोबाट बनेका माणा, निसौसे, गतानी, डुब्की लगायतका स्थानीय खानाका मिठो परिकार पकाएर खुवाउने र खाने प्रचलन छ।
    वल्के चाडमा एक महिना पहिले भँगेरी प्रजातिको फूलको बोटका पात टिपेर सिलौटामा पिँधेर बनाइएको लेदो हत्केला र खुट्टाको औँलामा लगाएर रङ्ग्याइने चलन छ। यसरी रङ्गाए शरीरमा रोगव्याधी नलाग्ने भन्ने मान्यता रहेको छ । बर्खा याममा रोपाइँ गर्दा छालामा लाग्ने रोगव्याधहरु लाई निको पार्न यसरी स्थानीय ओखतीहरू लगाइने भएकाले सुद पश्चिममा आजको दिनलाई नै लुतो फाल्ने दिनका रूपमा लिइन्छ ।
    वल्के पर्व र महत्त्व सुदूरपश्चिममा मात्र सीमित छैन, वल्केको सबैलाई न्यानो शुभकामना ।

    हाम्रो पात्रोको लागि सुयोग ढकाल



    आउँदा दिनहरु

    ज्योतिषहरू

  • call
    TALK TO JYOTISH
  • राशीफल

    साहित्य / ब्लग

    Liked by
    Liked by
    0 /600 characters
    Hamro Patro - Connecting Nepali Communities
    Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.