तुला ( रा, रि, रु, रे, रो, ता, ति, तु, ते )
तुला राशि हुनेहरूको लागि महिना सामान्य रहेको छ। अष्टम भावमा सूर्यको गोचरले गर्दा आर्थिक पक्षमा आकस्मिक खर्च वा पुराना आर्थिक दायित्वहरू सक्रिय हुन सक्छन्। कर र ऋण सम्बन्धी विषयमा ध्यान दिनु लाभदायी रहनेछ। जोखिमपूर्ण लगानीबाट सावधान रहनुहोस्। मंगलको सप्तम भावमा गोचरले गर्दा साझेदारीमा नेतृत्व लिने इच्छा बढ्छ र व्यापारिक सम्झौता, सहकार्य र सार्वजनिक व्यवहारमा सक्रियता देखिनेछ। प्रतिस्पर्धात्मक क्षेत्रमा काम गर्ने व्यक्तिहरूका लागि यो समय परिणाममुखी हुन सक्छ। सार्वजनिक छवि बलियो बन्नेछ। शुक्रको नवम भावमा गोचरले गर्दा शत्रुहरू बढेता पनि शत्रुहरूलाई पराजित पार्न सकिनेछ। विद्यार्थीहरूलाई डिजाइन, परामर्श वा सांस्कृतिक क्षेत्रबाट लाभ मिल्नेछ। यात्राको नयाँ अनुभव प्राप्त हुनेछ। विद्यार्थीहरूको ध्यान पढाइमा भन्दा अन्य विषयवस्तुमा धेरै जानेछ। एकाग्रताको कमी देखिएको छ। प्रेम सम्बन्धमा सुरुवाती आकर्षण बढेपनि महिनाको मध्यपछि गलतफहमीको कारण विवाद वा समस्या उत्पन्न होला। कार्यक्षेत्रमा झुठो आरोप लाग्न सक्ला सावधान रहनुहोस्।
View All monthly Rashifal
Liked by:
