International Day of Sport for Development and Peace | अन्तर्राष्ट्रिय विकास र शान्तिको लागि खेलकुद दिवस | २०७७ चैत २४ | Hamro Patro

आउँदा दिनहरु

राशीफल

साहित्य / ब्लग

Mar/Apr 2021
२०७७ चैत
२४
मंगलवार
Apr 06, 2021
Nawami
अन्तर्राष्ट्रिय विकास र शान्तिको लागि खेलकुद दिवस ( International Day of Sport for Development and Peace )
MY NOTE
तपाईँले आजको मिति पछि को नोट हाल्नु भएको छैन । तपाईँले जन्मदिन, मिटिङ्ग, सम्झनु पर्ने कुराहरु, बिल तिर्ने दिन आदि नोटहरु टिप्न सक्नुहुन्छ ।

अन्तर्राष्ट्रिय विकास र शान्तिको लागि खेलकुद दिवस





भर्खरै दशरथ रंगशालामा नेपाल, बंगलादेश र किर्गिस्तानबीच त्रिपक्षीय फुटबल म्याच भएको थियो । एउटै म्याचको शृृंखलाले पनि तीन वटै देश र विश्वलाई एक सूत्रमा बाँधिदियो । यस्ता खेलका आयोजना कहिले विश्वकप तर कहिले साग त कहिले यूरोकप अनि अमेरिकन कप गरी पटक–पटक बिभिन्न ठाउँमा अनि अनेक खेलका लागि हुने गर्छ । खेलकुद र शारीरिक क्रियाकलापले मानिस, देश अनि समुदायहरूलाई एक सूत्रमा बाँध्ने काम गर्छ ।

खेलकुदमा विश्व परिवर्तन गर्ने शक्ति हुन्छ र यो एक आधारभूत अधिकार पनि हो । सामाजिक सम्बन्धलाई सुदृढ गर्न र दिगो विकास र शान्ति र एकता र सम्मानका लागि एक शक्तिशाली उपकरणका रूपमा खेलकुदलाई लिइन्छ । हाम्रो अद्वितीय व्यक्तिगत कौशल र सामूहिक शक्तिको माध्यमबाट, हामी विकास र शान्तिका लागि एक साथ आउन सक्छौं । खेल र शारीरिक गतिविधिमार्फत् हाम्रो स्वास्थ्य र कल्याणका लागि रचनात्मक तरिकाहरूका रूपरेखा कोर्न सक्छौं ।

जब कीर्तिपुरको मैदानमा नेपाली क्रिकेट हेर्न खचाखच दर्शकहरूको भीड जम्मा हुन्छ, तब त्यो दर्शकको भीडमा कोही धनी या गरिब हुँदैन । कोही ठूलो जातका या सानो जातका पनि हुँदैनन् या भनौ कोही पहाडका कोही तराईका हुँदैनन् । सबै एकै हुन्छन्, सबै नेपाली हुन्छन् । धेरैले याद गर्नु भएको होला, नेपालले कुनै पनि खेल जित्दा नेपाल जिन्दावादको नारा लगाउने भीडमा जति एकताको भावना सायदै कतै भेटिन्छ । यो प्रभाव खेलको हो, विश्वलाई एक सूत्रमा बाँध्ने खेलहरूले साझा सूत्रमा आधारित रहेर विश्वले शान्ति र विकासको मूलधार पहिचान गर्न सक्छ ।

हरेक वर्षको अप्रिल ६ मा मनाइने अन्तर्राष्ट्रिय विकास र शान्तिका लागि खेलकुद दिवसले शारीरिक गतिविधि र खेलकुदले विश्वका सबै कुनामा रहेका मानिस अनि समुदायलाई एकजूट पार्न सक्छ भन्ने कुराको पैरवी गर्छ ।

शान्तिका लागि पनि खेलकुदको महत्व अत्यन्त धेरै छ । खेलकुदले समूहमा खेल्न, सामूहिक कलाकौशल वृद्धि गर्न, भाइचरा बढाउन अनि समग्र शारीरिक, मानसिक, सामाजिक अनि सामुदायिक र राष्ट्रिय विकासमा समेत योगदान पु¥याउँछ ।

कोभिड–१९ को संक्रमण जोखिममा परेको छ, यो वर्षको अन्तर्राष्ट्रिय विकास र शान्तिका लागि खेलकुद दिवस । यो दिवस आठौं संस्करण हो । २३ अगस्त सन् २०१३ मा संयुक्त राष्ट्र संघको साधारण महासभाले हरेक वर्षको अप्रिल ६ तारिखलाई अन्तर्राष्ट्रिय विकास र शान्तिका लागि खेलकुद दिवसका रूपमा मनाउने घोषणा गरेको थियो ।

खेलकुदले विश्वलाई एक सूत्रमा बाँध्ने प्रयत्न साकार हुनुपर्छ र यो जरुरी पनि छ । यो वर्ष सामाजिक दुरी कायम गर्दै आफ्नै घरभित्र अनिश्चयको बन्दी भएका विश्वभरिका मानिसहरू अरु वर्ष भन्दा धेरै तनाव, डिप्रेशन अनि उदासीनताका शिकार भएका छन् । यी सबै कुराहरूबाट मुक्त हुन र जीवनलाई खुशीका साथ डोहो¥याउन खेलकुद र शारीरिक क्रियाकलापहरूको महत्व यस वर्ष विश्वमा झनै धेरै छ ।

आउँदा पुस्तालाई स्वस्थ राख्न, सामूहिक कलाहरू सिकाउन र खुशीका साथ जीवन बाँच्ने समग्र कौशल सिकाउन पनि खेलकुदको जरुरी छ ।

खेल निम्ति घरहरू भन्दा मैदान धेरै हुन जरुरी छ । खेल्दै सिक्दै अघि बढ्ने वातावरण हुन जरुरी छ । अनि खेलकुदलाई जीवनको अभिन्न अंग बनाउन हरेक उमेर समूहका मानिसका लागि जरुरी छ । हार स्वीकार्न अनि जीतका लागि समूहमा लाग्न सक्ने पुस्ताको खाँचो आज विश्वको हरेक कुनामा छ ।

खेलकुद एउटा विश्वब्यापी भाषा हो । यो समाजमा हुने गरेको सबै किसिमको भेदभावबाट मुक्त हुन्छ । खेलकुदले युवा महिला र पुरुष जनसंख्या, व्यक्तित्व र समुदायहरूको साथसाथै स्वास्थ्य, शिक्षा र सामाजिक उद्देश्यहरूको सशक्ततालाई प्रोत्साहन पनि गर्छ ।

खेलकुद सँधै एउटा शुद्ध खेल मात्र होस् । यसमा राजनीति नहोस् । भारत र पाकिस्तानबीचको सम्बन्ध जे जस्तो भएपनि यिनीहरूको आउन लागेको विश्वकपमा प्रतिस्पर्धा हेर्न विश्व उत्सुक हुन्छन् । खेलमा जति सुकै प्रतिद्वन्द्वी भावना भएपनि खेल सकिएपछि खेलाडीहरूले एक अर्कासँग हात मिलाउने या फुटबलमा जर्सी साट्ने शैलीले यसको शुद्धता बयान गर्छ । यो सदा कायम होस् । सबैमा अन्तर्राष्ट्रिय विकास र शान्तिका लागि खेलकुद दिवसको शुभकामना ।

हाम्रो पात्रोका लागि सुयोग ढकाल



आउँदा दिनहरु

राशीफल

साहित्य / ब्लग

Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.