मेष ( चु, चे, चो, ला, लि, लु, ले, लो, अ )
मेष राशि हुनेहरूको लागि महिना सामान्य रहेको छ। द्वादश भावमा सूर्यको गोचरले गर्दा वैदेशिक विषय र यात्रा आदिमा अनावश्यक धन व्यय हुनेछ। नोकरी वा पेशामा स्थिरताको भयले सताउनेछ। शुक्रको द्वादश भावमा गोचरले गर्दा सौन्दर्य र साज सज्जाको सामानमा अतिरिक्त धन व्ययका योग छन्। माहको मध्य देखि शुक्रको लग्न स्थानमा गोचरले गर्दा घरपरिवारसँग राम्रो समय बित्नेछ भने आपसी सहयोग पनि बढ्नेछ। जीवनसाथी र आफन्तहरूको समर्थन पाइनेछ। पढाइ र प्रेम सम्बन्धलाई लिएर यो महिना सामान्य रहेको छ। अध्ययनको दृष्टिले सहयोगी वातावरण बन्नेछ भने सामूहिक अध्ययनमा गुरुजनहरूको राम्रो मार्गदर्शन मिल्नेछ। मंगलको एकादश भावमा गोचरले गर्दा करियरको दृष्टिले यो महिना लाभकारी सिद्ध हुनेछ। प्रेम सम्बन्धमा अनावश्यक तनाव बढ्नेछ। नेटवर्किङ वा शेयर मार्केटको क्षेत्रबाट लाभ आर्जन गर्न सकिनेछ। यो महिना स्वास्थ्यलाई लिएर संवेदनशील रहनुहोस् साथै अनिन्द्रा, मानसिक तनाव वा पुरानो रोग बल्झिनाले परेशानी को महसुस हुनेछ। स्वास्थ्यलाई लिएर पर्याप्त विश्राम र दिनचर्यामा विशेष ध्यान दिनुहोला।
View All monthly Rashifal
Liked by:
