Christmas | क्रिसमस-डे | २०७८ पुष १० | Hamro Patro

आउँदा दिनहरु

राशीफल

साहित्य / ब्लग

Dec/Jan 2021
२०७८ पुष
१०
शनिवार
Dec 25, 2021

क्रिसमस-डे ( Christmas )
MY NOTE
तपाईँले आजको मिति पछि को नोट हाल्नु भएको छैन । तपाईँले जन्मदिन, मिटिङ्ग, सम्झनु पर्ने कुराहरु, बिल तिर्ने दिन आदि नोटहरु टिप्न सक्नुहुन्छ ।

क्रिसमस डे




क्रिसमस डे विशेष अडियो सामग्री

आज २५ डिसेम्बर । विश्वभर इसाई धर्मावलम्बीहरूका लागि आजको दिन विशेष दिन हो । किनकि आज हो, क्रिसमस डे । आजको दिन विश्वभर जिजसमा विश्वास राख्ने इसाई धर्मावलम्बीहरुले मात्र होइन, अन्य समुदायले पनि क्रिसमस डे मनाउँछन् ।

इसाई धर्मावलम्बीहरुका सर्वश्रेष्ठ जिजस क्राइस्टको जन्मदिन र जन्म महिना ठ्याक्कै थाहा छैन । तर, चौथो शताब्दिमा विश्वका विभिन्न देशमा रहेका चर्चहरुले २५ डिसेम्बरमा जिजसको जन्मदिन मनाउने निर्णय गरेका थिए । यसकारण पनि आजको दिनमा क्रिसमस डे मनाउने गरिएको हो ।

क्रिस्चियन धर्ममा विश्वास गर्नेहरुका लागि आजको दिन जिजसको जन्मदिनभन्दा पनि बढी महत्त्वको कुरा के हो भने उनीहरुले भगवान (नेपालमा क्रिश्चियनहरुले प्रभु भन्ने गरेका छन्) पृथ्वीमा आएको र सम्पूर्ण मानवजातिको पापलाई नास गर्न मानिसकै अवतार लिएकाले आजको दिनलाई विशेष उत्सवका रुपमा मनाउनु पर्ने धारणा राख्छन् ।

इसाई धर्मावलम्बीहरुको मुख्य ग्रन्थ बाइबल हो । बाइबलमा दुई भाग छन् । पहिलो भाग (पुरानो नियम) र यहुदीहरुको धर्मग्रन्थ एकै हुन् । दोस्रो भाग (नयाँ नियम)मा जिजसका उपदेश, चमत्कार र उनका शिष्यहरुका कासँग बढी सम्बन्धित छ ।

पछिल्ला दुई वर्ष यता विश्वभर फैलिएको कोरोनाभाइरस महामारीका कारण क्रिसमस डे मनाउने उत्साहमा केही कमी भएको जस्तो देखिन्थ्यो । फेरि यो वर्ष क्रिसमस डेको वरपर नै विश्वका विभिन्न देशमा कोरोनाभाइरसको नयाँ भेरियन्ट ओमिक्रोनले दुःख दिएको छ । त्यसैले यस वर्ष पनि विश्वभर कोरोनाभाइरसबाट बच्न स्वास्थ्य मापदण्डलाई ख्याल गर्दै क्रिसमस डे मनाइन्छ ।

इसाई धर्मका अनुयायीहरुले आजको यो विशेष दिनलाई विशेष सौहार्दता, प्रेम र माया, सद्भाव र प्रभुको अनुकम्पामा अनुगृहित भएर मनाउने गरेका छन् । विश्वभर जिजस क्राइस्टमा विश्वास गर्ने देशहरुमा आजको दिन बिदा दिइन्छ ।

त्यसो त विश्वभर मानव समुदायको आस्था र विश्वास विभिन्न भगवानहरुमा छ । चाहे भगवान कृष्ण हुन् या बुद्ध, गुरु नानक हुन् या पैगम्बर मोहम्मद सबैले विश्वभर अहिंसा र शान्तिको सन्देश फैलाएका छन्, विश्वभर फैलिएको मानव जातिलाई विश्वासको एउटा सुत्रमा बाँध्ने काम गरेका छन् । अनि प्रभु येशु वा जिजस क्राइस्ट जे भनिए पनि आजको दिनलाई उहाँको जन्मदिन मानेर विश्वले यही सन्देश फैलाउन चाहन्छ ।
संसारका विभिन्न देशमा यो समय जाडो हुने भएकाले र हिउँ पर्ने देशहरुमा हिउँ पर्ने भएकाले क्रिसमस डेको यो उत्सवको हिउँसँग पनि विशेष सम्बन्ध छ । अनि क्रिसमस ट्रि वा क्रिसमस रुखको पनि त यो दिनमा विशेष सम्बन्ध छ । अमेरिकामा मात्र आजको दिनमा कम्तिमा पनि ३ करोडभन्दा बढी यस्ता रुखहरु बिक्री हुने तथ्यांक छ ।

अनि आजको दिन बिर्सन नहुने अर्को विषय हो, सान्टा क्लस । रातो टोपी, सेतै दाह्री जुँगा भएका सान्टालाई खुसीको उपमाका रुपमा पनि लिइन्छ । आजको दिन क्रिश्चियन धर्मावलम्बीहरुले सान्टा आएर आफूहरुको घरमा उपहार छोड्ने विश्वास गर्छन् । ससाना नानीबाबुहरु त अबेरसम्म सान्टा क्लसको प्रतीक्षामा बसिरहेका हुन्छन् । जे होस्, क्रिसमस डेको यो विश्वासले पनि हामीलाई आशाका किरण देखाउँछ ।
क्रिसमस डे होस् या अरु कुनै धार्मिक विश्वास बोकेका दिनहरु किन नहुन्, सबैले विश्वभर भातृत्वको भावना बढाउँछन्, शान्ति र विकासको कामना गर्छन्, मानव जातिको विकासको परिकल्पना सबै धर्ममा गरिएको हुन्छ ।

आज नेपालमा पनि विभिन्न कार्यक्रम गरेर इसाई धर्मावलम्बीहरुले क्रिसमस डे मनाउँछन् । हाम्रो पात्रो परिवारको तर्फबाट तपाईंहरु सबैलाई क्रिसमस डेको धेरै धेरै शुभकामना; प्रभु येशुले हामी सबैको कल्याण गरुन् ।



आउँदा दिनहरु

राशीफल

साहित्य / ब्लग

Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.