उज्ज्वल ढकाल - May 24 2024 परिचय :‘मनको लड्डु’ कथा एक बाल चित्रकथा हो। यो चित्रकथा यशु श्रेष्ठले लेख्नुभएको हो। यो कथामा चित्र भर्ने काम सुरज राईले गर्नुभएको छ । यो कथा परिचय पब्लिकेशनबाट प्रकाशन भएको हो। यो कथामा १८ वटा पृष्ठहरू रहेका छन् ।
कथावस्तु :याे कथामा एउटा वनबिरालो छ। ऊ निन्द्राबाट जुरुक्क उठ्छ । उसले पेट छाम्छ। उसलाई भोक लागेको छ। उसले यता उता हेर्छ। ऊ खानेकुरा खोज्न जङ्गलतिर जान्छ। उसले एउटा रुखमा अन्डा भेट्छ। उसले अर्काे रूखमा पनि एउटा टोड्को देख्छ तर त्यसमा पनि अन्डा मात्र हुन्छ । उसले ती अन्डाहरूबाट बचेरा बनेपछि मैले खाने हो भन्दै सोचिरहन्छ । अर्को दिन बचेरा त निस्किएका देख्छ तर ती धेरै साना हुन्छन् । उसले बचेराहरूलाई छाम्छ बचेराहरू खाए पनि मेरो पेट भरिँदैन । उसले दुई चार दिनपछि आउने विचार गर्छ। बचेराहरू अलि ठुला भएपछि खान्छु भनेर घर फर्किन्छ । उसले एक दुई हप्ता अरू केही आहारा खोजेर खान्छ । अर्को दिन ऊ खुसी हुँदै बचेरा खान्छु भनेर गुँडमा जान्छ । ऊ गुँडमा पुग्ने बित्तिकै बचेराहरू त उडेर अर्को रुखमा जान्छन्। त्यतिबेलासम्म सबै बचेराहरू उड्न सिकिसकेका हुन्छन् । उसले बचेरा नखाए पनि त पेट भरिएकै थियो भनेर धेरै दु:खी हुँदै चित्त बुझाउँछ । ऊ आफ्नो मन बुझाउँदै अरू आहारा खोज्न हिँड्छ ।
असल पात्र :यो कथाका असल पात्र बचेराहरू हुन्।
खराब पात्र :याे कथाको खराब पात्र वनबिरालो हो किनकि उसले बचेरालाई खाने प्रयास गरिरहेको छ।
परिवेश :
यस चित्रकथामा जङ्गल, वनबिरालो बस्ने घर, गुँड भएकाे रूख ठाउँका रूपमा आएका छन् । यस कथामा एउटा वनबिरालो भोकले खरो भएको हुन्छ। ऊ खानेकुरा खोज्न जङ्गलतिर जान्छ। एउटा रुखमा अन्डा मात्र भेट्छ। उसले अर्काे रूखमा पनि एउटा टोड्को देख्छ तर त्यसमा पनि अन्डा मात्र हुन्छ । उसले ती अन्डाहरूबाट बचेरा बनेपछि मैले खाने हो भन्दै सोचिरहन्छ । अर्को दिन बचेरा त निस्किएका थिए तर धेरै साना हुन्छन् । ऊ फेरि अलि ठुला भएपछि खान्छु भनेर घर फर्किन्छ । अर्को दिन ऊ खुसी हुँदै बचेरा खान्छु भनेर गुँडमा जान्छ । ऊ गुँडमा पुग्ने बित्तिकै बचेराहरू त उडेर अर्को रुखमा जान्छन् । यी कुराहरू अवस्थागत परिवेशको रूपमा आएका छन् । यी सबै कुराहरू हेर्दा ६ /७ घण्टामा घटेकाे अनुमान लगाउन सकिन्छ ।
निष्कर्षः
यो कथाबाट मैले लोभी हुनुहुँदैन, जीवजन्तुलाई मार्नुहुँदैन भन्ने शिक्षा पाएँ । यो कथा पढ्दा मलाई रमाइलो लाग्यो । यस कथामा कोरिएका चित्रहरू पनि रमाइला छन् । म मेरा सबै साथीहरूलाई यो पुस्तक पढ्न अनुरोध गर्दछु ।
नाम : उज्ज्वल ढकाल
कक्षा : चार ‘अपि’
डियरवाक सिफल स्कुल
Liked by:
