केकी "साशा" अधिकारीसँगको कुराकानी

नायिका केकी अधिकारी नेपालको निक्कै लोकप्रिय नायिका मध्य एक हुन् । यसै साता रिलिज हुन लागेको उनको चलचित्र “लभ साशा” अहिले रिलिज अगाडी आएका आकर्षक प्रोमो र गीतहरुको कारणले निक्कै चर्चामा छ  । यहि चलचित्रको प्रोमोसन मा ब्यस्त भएकी केकी "साशा" अधिकारी चलचित्रको रिलिजको लागि निकै उत्साहित देखिन । प्रचण्ड मान श्रेष्ठ निर्देशित यो चलचित्रमा टाइटल रोलमा देखिने हुँदा आफूमाथि जिम्मेवारी बढेको महशुस भएको कुरा साशा अर्थात केकीले हाम्रो पात्रोसँग को टेलिफोन कुराकानीमा बताइन ।

केकीसँग को कुराकानी


लभ साशा जस्तै चलचित्र गर्न चाहान्छु
चलचित्र लभ साशा एउटा भिन्न किसिमको लभ स्टोरी हो । यो चलचित्रमा धेरै कुरा समावेश नगरिकन लभ स्टोरीमा हुने सुक्ष्म सुक्ष्म कुराहरुमा बढी प्राथमिकता निर्देशक ले दिएका छन्, यो मलाई मन पर्ने किसिमको चलचित्र हो । पछी कुनै बेला चलचित्र बनाउन परेमा  यस्तै चलचित्र बनाउन चाहान्छु ।



कर्मसँग पहिलो पटक काम गर्दा
सानो संसार हेरेपछी नै मलाई कर्मसँग काम गर्ने इच्छा थियो । लभ साशामा पहिलो पटक यो मौका पाए । कर्म काम गर्दा निकै सजिलो छन्, एउटा कलाकारले चाहने को स्टार कर्म जस्तै नै हो । मलाई लाग्छ हाम्रो केमिस्ट्री पर्दामा राम्रो देखिनेछ ।

लभ एन्थम
मेरो लागि अहिले चलचित्र लभ साशा कै गीत "कथा तिम्रो " लभ एन्थम बनेको छ , अहिलेको लागी ।त्यसबाहेक "गाजलु ति ठुला ठुला आँखा" लभ एन्थम जस्तो लाग्छ ।


करियरको महत्वपुर्ण फिल्म
लभ साशा महत्वपूर्ण चलचित्र हो , टाइटल रोल मै भएर पनि जिम्मेवारी बढेको छ ।


चलचित्र लभ साशा यहि साता बिहिबार बाट देशव्यापी रूपमा प्रदर्शनमा आउदैछ । चलचित्रमा केकी लगायत कर्म , आसिफ शाहको अभिनय रहेको छ ।