चलचित्र “हिटलर”को नयाँ गीत | Hamro Patro
DOWNLOAD APPS BY HAMRO PATRO

ब्लग - साहित्य / मनोरञ्जन

चलचित्र “हिटलर”को नयाँ गीत





जेठ १२ गते देखि देशभर प्रदर्शनको लागि आउन तम्तयार भएर बसेको चलचित्र “हिटलर” ले आफ्नो नया गीत सार्वजनिक गरेको छ । रोमान्टिक फ्लेवरमा तयार भएको गीतमा नरेश भट्टराईको शब्द , लोचन घिमिरेको संगीत र सनुप पौडेल र आकांक्षा बश्यालको स्वर समावेश रहेको छ । “जब सम्म” बोलको गीतमा हामी नायक सोहित मानन्धर र नव नायिका सामिया बर्तौलाको जोडी हेर्न सक्छौ । गीतले दर्शकहरुको मन अत्याधिक रुपमा जित्न सक्ने सम्भावना रहेको छ । गीतमा समावेश दृष्यांकन र गीतको शब्द संगीतले गर्दा नै यस किसिमको सम्भावना देखिएको हो । यस्तै सम्भवत अहिले सम्मको नेपाली चलचित्र मध्य यस चलचित्रले नै पहिलो पटक रारा तालको सम्पूर्ण दृश्य क्यामरामा कैद गर्न सफल भएको छ जसले दर्शकहरुको ध्यान आकर्षण गर्नुको साथै सबैको मन प्रफुल्ल पार्ने संकेत देखिन्छ । यस्तै चलचित्रले यस अगाडी नै “मोस्मो चाउमिन” बोलको गीत बाहिर सार्वजनिक गरिसकेको छ जसले अत्याधिक दर्शकहरुको मन जितेको छ । यहि हिसाबले यस नया गीतले पनि सबैको मन जित्ने कुरामा निर्माण पक्षे निकै आशावादी रहेका छन् ।



चलचित्रले यति बेला सम्पूर्ण छायांकन सकेर सम्पादन कक्षेमा आफुलाई राखेको छ । यति बेला चलचित्रको काम निकै तीव्र गतिमा भईरहेको छ । छायांकनको बेला देखि नै चर्चामा रहेको चलचित्रको कथा वस्तु र प्रस्तुति मुख्य पाटो रहेको निर्माण पक्षेले बताउदै आइरहेको छ । चलचित्रको नामले गर्दा पनि धेरैको मनमा चलचित्र प्रति उत्सुकता उत्पन्न गराएको देखिन्छ । नेपाल बाहिरको नामलाई लिएर नेपाली समाजको कथा वस्तुलाई जोडेर कुन किसिमको चलचित्र बाहिर आउदै छ भन्ने कुराले यति बेला धेरै मनमा खुल्दुली मच्चाएको छ । अब यो खुल्दुली त जेठ १२ गते देखि मेटिने छ ।

यो पनि हेर्नुहोस् : २०७३ बिशेष : सर्वाधिक रुचाइएका १० नेपाली गीतहरु

अष्टनारायण पिक्चर्स र न्यु कृयटिव मोसन पिक्चर्सको प्रस्तुति रहेको चलचित्रमा सोहित र सामिया संगै मेनुका प्रधान , ए गुरुङ लगाएतका कलाकारहरुको मुख्य भूमिका रहेको छ । चलचित्रमा अरुण राज पौडेलको छायांकन , कृष्ण के अछामीको नृत्य र सुर्य थोकर लामोको द्वन्द समावेश रहेको छ । चलचित्रको कथा भने किच्चा मान चित्रकारको रहेको छ । चलचित्रको निर्मात्री भने चिनी माया मानन्धर हुनुहुन्छ ।



चलचित्रको निर्देशन भने युवा निर्देशक सौरभ ढकालले गरेका छन् । नया सोचको साथमा उनले यस चलचित्रमा केहि नया कुराको उपयोग समेत गर्ने प्रयास गरेका छन् । चलचित्र निकै राम्रो तयार भएको र अहिलेको दर्शकहरुलाई चलचित्रले अझै बढी प्रभावित गर्ने विश्वास समेत उनले ब्यक्त गरेका छन् । चलचित्रको मेकिङमा आफुहरुले कुनै पनि किसिमको कन्जुसाई आफुहरुले नगरेको र दर्शकहरुको मनोरंजनलाई मध्य नजर गरेर नै चलचित्रको निर्माण गरिएको कुरा पनि उनले उल्लेख गरेका छन् ।

हिटलरको पहिलो लिरिकल गीत :




Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.