कुनै बेला "तँ त साह्रै बिग्रिस नि बद्रि" चलचित्रमा बिग्रिएका बद्रिको छबि बनाएका बरिष्ट कलाकार हरिबंश आचार्य लामो समय पछी फेरी चलचित्र "शत्रु गते" मार्फत ठुलो पर्दामा फर्किएका छन् । तर यसपटक "हरिबहादुर" या "बद्रि" जस्तै उनि बिग्रिएका छैनन् ।
"जात्रा" फेम प्रदीप भट्टराईले निर्देशन गरेको दोस्रो चलचित्र "शत्रु गते" अहिले नेपाली चलचित्र प्रेमीहरुले निक्कै नै प्रतिक्षा गरेको चलचित्र हो । किरण के सी प्रस्तोता रहेको यो चलचित्र यसमा भएको ठुला ठुला कलाकारको नामले मात्र चर्चामा आएको हैन । सित्तिमित्ति ठुलो पर्दामा काम नगर्ने मह जोडीको उपस्थितिले पनि चलचित्र प्रेमीहरुलाई शत्रु गतेबाट धेरै अपेक्षा गर्न बाध्य बनाएको हो ।
यहि चैत्र ९ गते प्रदर्शनमा आउने यस चलचित्रको पहिलो गीत "रुपै मोहनी" सार्वजनिक भएको केहि समयमै दर्शकले गीतलार्इ राम्रो प्रतिक्रिया दिएका छन् र सोहि गीतमा धेरै पछी हरिबंश आचार्यलार्इ खुलेर नाचिरहेको देख्न सकिन्छ । दीपाश्री निरौलासंग जोडी भएर यस चलचित्रमा काम गर्नुभएको कलकार हरिबंश आचार्यसंग हाम्रोपात्रोले शत्रु गते चलचित्र र चलचित्रमा उनको पात्रको बारेमा थुप्रै कुराकानी गरेका छौ ।
उहासंगको कुराकानी तल रहेको भिडियोमा हेर्न सक्नुहुनेछ ।
Liked by:
