“म यस्तो गीत गाँउछु” यी बोलहरू नेपाली चलचित्रप्रेमीहरुले सायदै बिर्सेलान्, सुपरहिट चलचित्र “प्रेमगीत” को सर्वाधिक रुचाइएको गीत “म यस्तो गीत गाँउछु”को बोलमा सोहि चलचित्र का निर्देशक सुदर्शन थापाले एउटा छुट्टै चलचित्र निर्देशन गरेका छन् । चलचित्रमा प्रेमगीतकी नायिका पुजा शर्मा र पल शाह पर्दामा देखिने भएका छिन् ।
यो पनि हेर्नुहोस् : पल र पूजाले "भन्छन् आज मनका कुरा"
चलचित्र असार ३० गतेबाट देशव्यापी रूपमा प्रदर्शनमा आउने भएको छ । चलचित्र प्रेमगीतले सफलता पाउनुको एउटा प्रमुख कारण भनेको चलचित्रको संगीत रहेको थियो । श्रोताहरुले अत्याधिक रुचाएका उक्त चलचित्रको गीतहरु सिर्जना गरेका संगीतकार अर्जुन पोखरेलले सुदर्शन थापाको म यस्तो गीत गाँउछु मार्फत श्रोताहरुमाझ फेरी आफ्नो चमत्कारी संगीतको जादु चलाएका छन् । चलचित्र “म यस्तो गीत गाँउछु” को सार्वजनिक भएका दुवै गीत “भन्छु आज” र “किन आजकाल तिम्रो मन मैलो भो” श्रोताहरुले छोटो समय मै रुचाएका छन् ।
प्रेमगीत पछी फेरी एकपटकसँगै मिलेर काम गरेका यी निर्देशक र संगीतकारको जोडीसँग हामीले आज कसरी बन्यो त चलचित्र म यस्तो गीत गाँउछुको संगीत र अरु थुप्रै कुराकानीहरु गरेका छौ ।
निर्देशक सुदर्शन थापा र संगीतकार अर्जुन पोखरेलसँगको रोचक कुराकानी हाम्रो अडियो सामाग्रीमा सुन्न सक्नुहुनेछ ।साथसाथै चलचित्रका केहि पोष्टरहरु पनि यहाँहरुमाझ प्रस्तुत गर्दछौ । हाम्रो पात्रो प्रदर्शनको लागि तैयार चलचित्र म यस्तो गीत गाँउछुको सफलताको शुभकामना ब्यक्त गर्दछ । 
Liked by:
