आजबाट "कथा काठमाण्डौ"को मोफसल टुर | Hamro Patro
Make Kundali | Buy Tickets | Live Video Call

ब्लग - साहित्य / मनोरञ्जन

आजबाट "कथा काठमाण्डौ"को मोफसल टुर





टेलिफिल्म ’कथा प्रेमका’ निर्देशन गर्दै आफुलाई भिजेसँगै निर्देशकको रुपमा समेत परिचित गराएकी संगीता श्रेष्ठ पछिल्लो समय फिल्म ’कथा काठमाण्डौ’को काममा व्यस्त छिन । टेलिफिल्मको अनुभवसँगै पुस्तक ’कथामा अल्झिएका प्रेम’ समेत लेखेकी संगीताको लेखन र निर्देशनमा तयार भएको फिल्म ’कथा काठमाण्डौ’ पछिल्लो समय चर्चामा छ । रातको कुरा , जुन अनि तारालाई र त्यसपछी टाइटल गीत ’कथा काठमाण्डौ’ रिलिज पछी ट्रेलर समेत सार्वजनिक गरिसकेको युनिटले अब मोफसलमा आफ्नो प्रचारलाई अगाडी बढाउदैछ ।

भाद्र २२ बाट सुरु हुने मोफसल टुर अन्तरर्गत इटहरी , धरान , दमक , हेटौडा , नारायणगढ , बुटवल , दाङ र पोखरा लगायतका सहरमा पुगेर फिल्मको बारेमा जानकारी गराउनेछ । युनिट मोफसल टुर अन्तर्गत नै पथरी , धरान , चितवन र दाङ लगायतका स्थानको महोत्सवमा समेत सहभागी हुनेछ । काठमाण्डौलाई आफ्नो कर्मभुमि बनाएर रहिरहेका भिन्न भिन्न पात्रको कथालाई फिल्ममा चित्रण गरिएको छ । असोज १२ मा रिलिज हुने यसफिल्ममा प्रियंका कार्की, आयुष्मान डिएस जोशी, संजोग कोइराला, सन्ध्या केसी, प्रेक्षा अधिकारी, प्रमोद अग्रहरीको मुख्य भूमिका छ ।


आहाना फिल्मःको ब्यानरमा निर्माण भएको फिल्ममा विजय राइको लगानी छ । फिल्ममा गायिका इन्दिरा जोशी पनि विशेष भूमिकामा देखिदैछिन । फिल्मलाई लुजा सिंहले खिचेका हुने भने यसलाई मित्र गुरुङले सम्पादन गरिरहेका छन् । भारत रेग्मीको कलर र भीएफएक्स रहेको फिल्मको पटकथा भने निर्देशक श्रेष्ठले नै लेखेकी हुन् ।

संगीता श्रेष्ठ : हामीले फिल्म भिन्न भिन्न तिन कथालाई अगाडी ल्याउने कोसिस गरेका छौ । केहि कथा र घटना हाम्रो अगाडी नै हुन्छ तर त्यसमा हामी न बोल्न सक्छौ नत प्रतिकार नै , त्यस्तै केहि दबिएका कथा छन् यसमा । फिल्मले केहि पछिल्ला घटनालाई पनि रिलेट गर्छ , मर्मको हिसाबले । यो फिल्म मनोरंजन मात्र नभई एउटा संदेश पनि छ , एउटा साहस पनि छ यसमा । यसैले गर्दा पनि हामी युनिटनै मोफसलमा स्थानीय मिडियाकर्मी तथा दर्शकसँग साक्षात्कार गर्न भाद्र २२ बाट मोफसल टुरमा निस्किदैछौ ।



Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.