नाजिर हुसैन र केकी अधिकारिको जोडीलाई पहिलो पटक ठुलो पर्दामा प्रस्तुत गर्ने चलचित्र "राज्जा रानी" अब रिलिज हुन धेरै समय बाकी छैन । सायद त्यहि भएर पनि आजबाट चलचित्रको टिम देश दौडाहामा लागेका छन् । देश दौडाहामा जानुअघि आफ्नो चलचित्र कि अभिनेत्री केकी अधिकारीको जन्मदिनको शुभ अवसर पारेर निर्माण पक्षले एउटा प्रेस मीट आयोजना गरेको थियो । चलचित्रका लगभग सम्पूर्ण टिम नै उपस्थित रहेका उक्त कार्यक्रममा नायिका केकीको जन्मदिन पनि भव्य रुपमा मनाइएको थियो ।
सो कार्यक्रम मै चलचित्रका निर्माता रमेश एम के पौडेलले चलचित्र राज्जा रानीले थुप्रै मनोरञ्जनका साथसाथै समाजमा भएको बालबिबाह र दाइजो प्रथासंग सम्बन्धित गहन बिषय उठाएकोले गर्दा आफ्नो चलचित्र त्यहि सामाजिक बिकृति निर्मुल पार्ने उद्देश्यको साथमा अगाडी बढेको जन अभियानसंग सहकार्य गरेको जानकारी पनि दिए ।
चलचित्र राज्जा रानीको "चिपक चिपक" बोलको गीतले निक्कै थोरै समयमा ब्यापक सफलता हात पारिसकेको छ भने केहि साता अघि मात्र सार्वजनिक गरिएको चलचित्रको ट्रेलरले पनि आकर्षक प्रतिक्रिया बटुलेको छ । चलचित्र राज्जा रानीलाई हाम्रोपात्रोको तर्फबाट शुभ कामना ।
आफ्नो पात्र र चलचित्रको बारेमा के भन्छन् नायक नाजिर हुसैन ? जान्नको लागि भिडियो हेर्नुहोला ।
Liked by:
