चैत्र ६, २०७४ । वर्षको अन्त्य नजिक आउँदैगर्दा यता भने सदाबहार लोकप्रिय सङ्गीतकार तथा गायक जेम्स प्रधानले नव वर्षको साङ्गीतिक कोशेली स्वरूप छैठौं एकल साङ्गीतिक कृति 'क्रम' सार्वजनिक भएको छ ।
'भोले बम बम', 'आइदेउ आइदेउ'का गायक जेम्स आफ्नो बेग्लै धारको सङ्गीतको निरन्तरतासंगै प्रवर्धनात्मक जिङ्गल उत्पादनमा राष्ट्रिय, अन्तराष्ट्रिय विज्ञापन एजेन्सीहरूमा लोकप्रिय हुनुहुन्छ ।
आज राजधानीमा पत्रकार सम्मेलन कार्यक्रम गरी उनको यस छैठौं एल्बम 'क्रम'लार्इ सार्वजनिक गरीयो । एल्बममा पुरूषोत्तम सापकोटाको शब्दमा 'गीतम्', विप्लब प्रतिकको 'हामी धुलैबाट' तथा गाैतम डङ्गोलको 'बोयाउने नु' बाहेक सबै गीतहरूमा शब्द जेम्स प्रधान स्वयंमको रहेको छ । एल्बमका सम्पूर्ण गीतहरू हाम्रो पात्रोको 'हाम्रो अडियो' बाट तथा SoundCloud बाट समेत सुन्न सक्नुहुनेछ ।
कार्यक्रममा दुर्इ बेग्ला बेग्लै गीतको भिडियो पनि सार्वजनिक गरीएको छ । सदाबहार सङ्गीत सर्जक जेम्स प्रधानलार्इ उनको यस छैठौं एकल कृतिको सफलताका लागि धेरै, धेरै शुभकामना ! नेपाली सङ्गीत सृजना र सृजनात्मक निरन्तरताको कामना पनि ।
Liked by:
