लप्पन छप्पनको समीक्षा | Hamro Patro
DOWNLOAD APPS BY HAMRO PATRO

ब्लग - साहित्य / मनोरञ्जन

लप्पन छप्पनको समीक्षा




   मन्दिप गाैतम - Mar 26 2017
लप्पन छप्पनको समीक्षा अडियो सामाग्री

यो साताको रिलिज लप्पन छप्पनको ट्रेलर हेरेपछि चलचित्र हेर्ने एक किसिमको उत्साह जागेको थियो । स्टारकास्ट देखि लोकेसन उच्चस्तरको रहेको यो चलचित्रमा एउटा फुल अन कमर्सियल सिनेमामा हुने लगभग सबैकुरा भएको ट्रेलर हेरेरै अनुमान भएको थियो । आजबाट देशव्यापी रूपमा प्रदर्शनमा आएको यो चलचित्र कस्तो बनेको छ त , जानौं  यो चलचित्रको समीक्षामा। 

प्लट
"बाका" अर्थात सौगात मल्ल कुनै बेला नेपालमा मन्त्रिको हत्या गरेपछि जसो तसो बेल्जियम पुगेको छ , अहिले ऊ त्यहि गलत कामहरु गर्ने गर्दछ । एकदिन उसले आफ्नो ह्याकर प्रेमिकालार्इ (वर्षा सिवाकोटी) एउटा अर्को मन्त्रिको बैंकमा भएको पैसा ह्याक गर्ने सोचमा नेपाल पठाउँछ । यहाँ वर्षाले २ नेपाली ह्याकरलार्इ भेटछिन् र उनीहरुको साथ लिएर मन्त्रिको ल्यापटपमा भएको डाटा नेपालबाट चोरेर बेल्जियम फर्किन्छिन् । उनले आफुलाई साथ् दिएको २ नेपाली ह्याकर (प्रकास जंग शाह र सिड खरेल) लार्इ पनि बेल्जियम लान्छिन् । त्यसपछि नेपालबाट सिबिआइ दयाहांग राई बाकालार्इ अरेस्ट गर्न त्यहि पुग्छन । त्यसपछि चलचित्रको कथामा आउने थुप्रै ट्वीस्टहरु बुझ्नको लागि यहाँहरुले चलचित्र लप्पन छप्पन हेर्नपर्ने हुन्छ ।

कथा पटकथा संवाद
प्रवेश पौडेलको कथा अहिले नेपाली चलचित्रहरुमा हुने भन्दा बिल्कुलै फरक छ , उनको पटकथा पनि एकदम धेरै उतार चढावले भरिपुर्ण छ , दर्शकको ध्यान चलचित्रबाट भट्किदैन । संवादहरु पनि निक्कै राम्रा छन् , उनले स्थापित गरेको पात्रहरु पनि रोचक छन् , यस्तोमा यहाँहरुलाई लागिरहेको होला चलचित्रको स्क्रिप्ट निक्कै अव्वल रहेछ । तर तेसो अलि हुन सकेको छैन किनभने चलचित्र दोस्रो हाफमा निक्कै अनुमानित हुन पुग्दछ र कथा, पटकथा राम्रो त छ तर लेखकले यसलाई  सशक्त बनाउन भने सकेका छैनन् । पहिलो हाफमा चलचित्रले स्थापित  गरेको स्तरले  दर्शकलार्इ धेरै अपेक्षा गर्न बाध्य बनाउछ र दोस्रो हाफमा प्राय सबै कथा अनुमानित हुन पुग्दा दर्शकको अपेक्षा अलि कायम नहुन सक्छ । तर समग्रमा लेखक प्रवेश पौडेलको प्रयास राम्रो छ ।


कलाकार

सबै कलाकार हरुको पर्फर्मेन्स अव्वल छ । खासगरी सौगात मल्लले धेरै पछी आफ्नो स्तरको प्रस्तुति दर्शकहरुमाझ पस्केका छन् । अर्को उल्लेख गर्ने पर्ने नाम वर्षा सिवाकोटीको हो उनले बेबीको भूमिकामा आफुले पहिला कहिले नगरेको काम निक्कै मजाले गरेकी छिन । उनको यो अवतारको धेरैले तारिफ गर्नेछन । त्यसबाहेक अर्पण थापाले आफ्नो भूमिका राम्ररि नै निभाएका छन् । दयाहांग राई भने पहिलो हाफमा खुब रमाइलो लाग्दछन् ,दोस्रो हाफमा कथाको माग अनुसार उनले काम राम्रै गरेका छन् , उनको अ्याक्सन सिनहरु उनका फ्यानले खुब इन्जोय गर्नेछन । डेब्युटाँट प्रकास जंग शाह र सिड खरेलले राम्रो काम गरेका छन् ।

प्राविधिक पक्ष र संगीत
चलचित्रमा छायांकन अव्वल छ , युरोपका दृश्यहरु हेर्दा मजा आउदछ । एडिटिंग पनि राम्रो छ , फिल्मको पेस निक्कै राम्रो लाग्दछ । भिएफएक्सको कुरा गर्नु पर्दा नेपाली चलचित्रहरुमा भईरहने इफेक्ट भन्दा यो चलचित्रको इफेक्टहरु धेरै गुना राम्रो छ , कन्भीन्सिंग छ । ब्यक्ग्राउन्ड स्कोर ठाउँ ठाउँमा अझ शशक्त हुनसक्ने प्रयाप्त ठाउँ थियो । डबिंग भने ठाउँ ठाउँमा बिग्रिएको छ ।

चलचित्र का तीन गीतहरुले चलचित्रलार्इ राम्रो साथ् दिएका छन् । 

निर्देशक
एउटा स्टाईलिस् ग्यांग्स्टर सिनेमा बनाउनु निक्कै रिस्की कदम हो।  निर्देशक मुकुन्द भट्टको यो प्रयास तारिफयोग्य छ , उनको सिनेमामा त्यो किसिमको स्टाइल छ जुन बिरलै नेपाली चलचित्रमा देख्न सकिन्छ । तर पनि केहि दृश्यहरुमा सुधार गर्न पर्ने ठाउँ थियो . उनको काममा कतै कतै केहि कमि भएको महसुस त हुन्छ तर पनि समग्रमा उनले यो चलचित्रलार्इ न्याय दिएका छन् ।

समीकरण

लप्पन छप्पन अहिलेका युवा पुस्ताले रुचाउन सक्छन । विदेशका दृश्य भएकाले अंग्रेजी संवादहरुको धेरै प्रयोग भएको छ जसले गर्दा सिंगल स्क्रिन दर्शकहरुलाई मजा नआउनसक्छ । स्टाइलिस ग्यांग्स्टर फिल्म हेर्न रुचाउने दर्शकको लागि यो चलचित्र उत्कृष्ट रहन्छ , नेपालमा सायदै एसअघी यतिको स्टाइलिस ग्यांग्स्टर फिल्म बनेको छ । थप दमदार दृश्यहरु भएका भए चलचित्र झन् अव्वल बन्ने थ्यो ।

रेटिंग ३/५



Downloads


Contact

Buddhanagar-10, Kathmandu (Nepal)
Tel: +977 2298599
Email: [email protected]

Date Converter

Foreign Exchange

  • Currency
  • Buy
  • Sell
  • Indian Rupee (100)
  • 1.6
  • 1.6015
  • U.S. dollar
  • 113.66
  • 114.26
  • European euro
  • 128.14
  • 128.82
  • UK pound sterling
  • 145.8
  • 146.57
  • Swiss franc
  • 112.9
  • 113.5
  • Australian dollar
  • 80.82
  • 81.24
  • Canadian dollar
  • 85.58
  • 86.04
  • Singapore dollar
  • 83.72
  • 84.16
  • Japanese yen (10)
  • 10.29
  • 10.34
  • Chinese renminbi (Yuan)
  • 16.79
  • 16.87
  • Saudi Arabian riyal
  • 30.31
  • 30.47
  • Qatari riyal
  • 31.22
  • 31.38
  • Thai baht
  • 3.64
  • 3.66
  • UAE Dirham
  • 30.94
  • 31.11
  • Malaysian ringgit
  • 27.82
  • 27.97
  • Korean Won (100)
  • 10.09
  • 10.14
  • Swedish Krone
  • 12.23
  • 12.29
  • Danish Krone
  • 17.18
  • 17.27

Hamro Team

सम्पादक

सुदिना गौतम

व्यवस्थापक

सन्तोष कुमार देवकोटा

फोटो पत्रकार

आनन्द कुमार महर्जन

कला पत्रकार

मन्दिप गौतम