के तपाइँसँग आफ्नो मौलिक कथा छ ? यदि छ भने NIFF 2019 तपाइहरुको लागि एउटा सम्भावना बोकेर आएको छ।
NIFF 2019 ले पहिलो पटक नयाँ चलचित्र बनाउने निर्माताहरूको लागि Story Pitch 2019 कार्यक्रम प्रस्तुत गरेको छ। यो नयाँ र प्रकाशमा पर्न नसकेका लेखकहरुको लागि लघुकथा या कथानक चलचित्रकै कथा प्रस्तुत गराउने माध्यम बनेको छ। सहभागी भएका आवेदकहरूलाई १४ फेब्रुअरी २०१९ सम्म चयन गरिनेछ। चयन गरिएका आवेदकहरूले आफ्ना अवधारणाहरू / कथाहरू थुप्रै चर्चित लेखकहरू र नेपालका शीर्ष निर्माताहरूको अगाडी प्रस्तुत गर्न सक्छन्। आफ्नो सिर्जनालाई आजै पठाउनुहोस्।
थप जानकारीको लागि : www.niff.org.np/programs
NIFF 2019 आगामी फागुन ९ देखि १३ गतेसम्म राजधानीमा आयोजना हुने भएको छ । नेपालसहित विश्वका ३१ राष्ट्रका ५९ वटा चलचित्रहरु देखाइने महोत्सवमा नेपालका ६ वटा फिचर र १० सर्ट फिल्म गरी १६ देखाइने छ । विदेशी फिल्महरुमध्ये ३१ सर्ट फिल्म र ६ वटा फिचर फिल्म प्रदर्शन हुनेछन् । कथा वाचन प्रतियोगिता समेत रहेको महोत्सवमा प्रदर्शन भएका मध्ये एक उत्कृष्ट फिचर फिल्म एक हजार अमेरिकी डलरसहित पुरस्कृत हुनेछ । साथै छोटो फिल्मतर्फ उत्कृष्ट फिल्मले पाँच सय अमेरिकी डलर पाउने छ । नेपाली फिल्मका लागि उत्कृष्ट निर्देशक तथा लेखकका लागि पनि अवार्ड दिइने बताइएको छ ।
Liked by:
