सङ्गीतकार काली प्रसाद बास्कोटाको सङ्गीतमा नृत्य निर्देशक प्रविन सिंहको उत्कृष्ट काम र पर्दामा "आँप जोडी" अर्थात आँचल शर्मा र पल शाह अभिनित 'शत्रु गते'को आज सार्वजनिक भएको "पिरतीको बर्को" गीत सुन्दामा राम्रो र हेर्दामा रोचक दुवै छ, यो गीतमा नेपाली चलचित्र निर्माणको अागामी भविष्य स्तर सजिलै अाँकलन गर्न सकिन्छ ।
“रुपै मोहनी”को सफलता पछी निर्माण पक्षले आज दरवारमार्ग स्थित क्युज सिनेमामा थुप्रै चलचित्रकर्मी र सञ्चारकर्मीलार्इ आमन्त्रण गरेर यस बहुप्रतिक्षित चलचित्रको दोश्रो गीत रिलिज गरेको हो । चैत्र ९ गते रिलिज विश्वब्यापी रुपमा रिलिज हुने यस चलचित्रको चर्चाले दिन प्रतिदिन चलचित्र प्रेमीहरुमा उत्साह र उत्सुकता दुवै थप्दै गइरहेको छ ।
चलचित्रमा मदन कृष्ण श्रेष्ठ, हरिवंश आचार्य, दीपक राज गिरि, दीपाश्री निरौला, प्रियंका कार्की, पल शाह, आँचल शर्मा , रमेश रञ्जन झा, बसुन्धरा भुसाल र शिवहरी पौडेलको अभिनय देख्न सकिनेछ भने चलचित्रलार्इ मह संचारको ब्यानरमा किरण के सीले निर्माण गरेका हुन् भने प्रदिप भट्टरार्इको निर्देशन रहेको छ ।
Liked by:
