चलचित्र “ग्याङस्टर ब्लुज” समीक्षा | Hamro Patro
DOWNLOAD APPS BY HAMRO PATRO

ब्लग - साहित्य / मनोरञ्जन

चलचित्र “ग्याङस्टर ब्लुज” समीक्षा




   मन्दिप गाैतम - Aug 18 2017

पारिवारिक पृष्ठभूमि कम देखाइदा र प्रेम कथा कमजोर हुदा यो चलचित्रले इमोसनल भ्यालु पकड़न सक्दैन


चलचित्र “ग्याङस्टर ब्लुज” समीक्षा

आशिरमान देशराज जोशी र अन्ना शर्मा स्टारर चलचित्र “ग्याङस्टर ब्लुज” यो साता रिलिज भएको छ। यो साताकै अर्को रिलिज भुइमान्छेको कारण सिनेमा घरमा कडा टक्कर पाउने यस चलचित्रले दर्शकको साथ पाउछ त ? हुन् त चलचित्रको ट्रेलर र गीतहरु रिलिज पछी यो चलचित्र चर्चामा रहेको छ, अब यसले दर्शकको मन जीत्न सफल हुन्छ कि हुदैन, आउनुहोेस् जानौ चलचित्र “ग्याङस्टर ब्लुज”को समीक्षामा ।

प्लट
काठमाण्डौमा बसेर पढ्ने आकाश अर्थात आशिरमान आफ्नो कलेजमा केहि लफडा गरेर नेपालगंज,  घर आएका छन् । त्यहाँ उनि आफ्नो पुरानो साथी अर्थात संयम पुरीसंग मिलेर ठेक्का पट्टा गर्न सुरु गर्छन र त्यहि बसाइको सिलसिलामा उनको भेट आफ्नो स्कुलको साथि आरजु (अन्ना शर्मा)संग हुन्छ । आसिरमान र अन्ना भेट्न थाल्छन र छिट्टै प्रेममा बाधिन्छन , तर युवाअवस्थाको जोश रहेको आसिरमानको जीवनमा परिवर्तन तब आउछ जब उनको भाइलाइ अपहरण गरेर केहि स्थानीय डनले हत्या गरिदिन्छन । आसिरमान चुप लागेर बस्दैनन र हत्याको बदला लिन अघि सर्छन, त्यसपछि आसिरमान क्रिमिनल बन्छन र बाकिको चलचित्र उनि क्रिमिनल भएपछी उनले के कस्तो परिस्थितिको सामना गर्न पर्छ, उनको र अन्नाको सम्बन्धले के कस्तो मोड लिन्छ ,यहि सेरोफेरोमा घुमेको छ ।

कथा, पटकथा र संवाद
निर्देशक हेम राज बि सी स्वयम् ले लेखेको चलचित्रको कथा पटकथा मध्यम स्तरीय छ । उनले चलचित्रलाइ निक्कै हदसम्म बाढी राख्ने त बनाएका छन् तर आसिरमान र अन्ना बीचको प्रेम सम्बन्ध निक्कै कम्जोर रहेकाले उनको चलचित्रले दर्शकलाइ इमोसनल भने बनाउदैन । प्रेम सम्बन्ध यति फिक्का छ , जसले गर्दा चलचित्र अन्त क्लिमेक्स तिर त झन् दर्शकहरु चलचित्रका पात्रहरु संग कनेक्ट हुदैनन्  । चलचित्रको दोस्रो हाफमा आउने ट्वीस्ट पनि खासै कन्भिन्सिंग लाग्दैन , दोस्रो हाफका उतार चढावहरु पृथक बिल्कुलै छैनन् बरु उल्टै अनुमानित हुदै जादा दर्शकहरु चलचित्रको अन्त सम्म आइपुग्दा बोर भैसक्ने तय हो ।

चलचित्रको संवादहरु धेरै हदसम्म चलचित्रको कम्जोर पटकथालाई सम्हाल्छ, चलचित्रले संवाद कै भरमा ग्रिप भने छाड्दैन ।


अभिनय
आशिरमान देशराज जोशीको पहिलो चलचित्रमा उनको अभिनय तारिफ योग्य छ, भेराइटी देखिने आकाशको पात्रलाइ उनले आफ्नो पहिलो प्रयासमा सक्दो न्याय गरेका छन् । अन्ना शर्मा ठिक ठाक छिन  । त्यसबाहेक संयम पुरी फेरी एकपटक ग्याङस्टरको पात्रमा उल्लेखनीय काम प्रस्तुत गरेका छन् । रोजिषा शाहीले आफ्नो सानो तर प्रभावशाली भूमिकामा प्रभाव पर्दछिन । त्यसबाहेक प्रमोद अग्रहरी र अनुपम शर्मा उत्कृष्ट छन्  । राम बाबु गुरुङ पनि ठिक ठाक छन्  ।

संगीत
काली प्रसाद बास्कोटाको संगीत उत्कृष्ट छ, "अजमबरी" गीत उत्कृष्ट छ । उनले फेरी एउटा राम्रो एल्बम श्रोतामाझ पस्केका छन् चलचित्र “ग्याङस्टर ब्लुज”बाट ।

प्राविधिक पक्ष र निर्देशन
शैलेन्द्र कार्कीको छायांकन अव्वल छ, बनिश शाह र मिलन श्रेष्ठको सम्पादन पनि राम्रो छ, शैलेश श्रेष्ठको ब्याक्ग्राउण्ड स्कोरले त्यति छाप छाड्दैन  ।
सफल निर्देशक हेम राज बिसीबाट अपेक्षा गर्नेहरुले यस चलचित्रबाट निराश हुनपर्ला , उनको यो चलचित्र निक्कै सम्भावना बोकेर सुरु त हुन्छ तर अनुमानित दोस्रो हाफ र पहिलो हाफमा कमजोर प्रेमकथाले यो चलचित्रलाइ एउटा ठिक ठाक चलचित्र मात्र बनाउदछ ।

समीकरण
ग्याङस्टर ब्लुजले एउटा ग्यान्ग्स्तर पछाडी कस्तो कथा हुन्छ भनि देखाउन खोजेको हो, तर चलचित्रका ग्याङस्टर अर्थात आसिरमान जोशीको पारिवारिक पृष्ठभूमि कम देखाइदा र प्रेम कथा कमजोर हुदा यो चलचित्रले इमोसनल भ्यालु पकड़न सक्दैन जसले गर्दा चलचित्र जति क्लाइमेक्स तर्फ बढ्छ त्यति कम्जोर बन्दै जान्छ । थोरै मात्रामा थ्रिल र मनोरंजन भने चलचित्र ले अवश्य दिन्छ । 

रेटिंग : २.५ / ५ 



Downloads


Contact

Buddhanagar-10, Kathmandu (Nepal)
Email: [email protected]

Date Converter

Foreign Exchange

  • Currency
  • Buy
  • Sell
  • Indian Rupee (100)
  • 1.6
  • 1.6015
  • U.S. dollar
  • 110.03
  • 110.63
  • European euro
  • 124.34
  • 125.02
  • UK pound sterling
  • 144.67
  • 145.46
  • Swiss franc
  • 110.61
  • 111.22
  • Australian dollar
  • 78.03
  • 78.45
  • Canadian dollar
  • 82.16
  • 82.61
  • Singapore dollar
  • 81.43
  • 81.87
  • Japanese yen (10)
  • 9.97
  • 10.02
  • Chinese renminbi (Yuan)
  • 16.39
  • 16.48
  • Saudi Arabian riyal
  • 29.34
  • 29.5
  • Qatari riyal
  • 30.22
  • 30.39
  • Thai baht
  • 3.47
  • 3.49
  • UAE Dirham
  • 29.95
  • 30.12
  • Malaysian ringgit
  • 27.07
  • 27.22
  • Korean Won (100)
  • 9.7
  • 9.75
  • Swedish Krone
  • 11.87
  • 11.94
  • Danish Krone
  • 16.66
  • 16.75

Hamro Team

सम्पादक

सुदिना गौतम

व्यवस्थापक

सन्तोष कुमार देवकोटा

फोटो पत्रकार

आनन्द कुमार महर्जन

कला पत्रकार

मन्दिप गौतम