केहि समय यता नेपाली चलचित्रकर्मीहरुले मधेश आन्दोलन र राजनीतिको पृष्ठभूमिमा चलचित्र निर्माण गर्न अलि बढी रुची देखाइएको पाइन्छ । यहि पृष्ठभूमिमा नव निर्देशक पुर्णेन्दु झाले निर्देशन गरेको चलचित्र "संरक्षण"को ट्रेलर आज सार्वजनिक गरिएको छ ।
मधेशी आन्दोलन र राजनीतिको भरपुर डोज पाइने चलचित्र संरक्षणको ट्रेलरको मुख्य आकर्षण भने निखिल उप्रेती र सौगात मल्ललार्इ एकसाथ देखिनु नै बनेको छ । अलि धेरै सौगात र केहि दृश्यमा देखिन सक्ने निखिलको उपस्थिति बाहेक ट्रेलरमा सुनिएका संवादहरुले पनि दर्शकहरुलाई यो चलचित्र हेर्न उत्सुक बनाउन सक्छ ।
चलचित्र संरक्षणमा निखिल र सौगातको अलावा मलिना जोशी , अशिष्मा नकर्मी , प्रमोद अग्रहरी जस्ता कलाकारको सशक्त अभिनय देख्न सकिन्छ । चलचित्र यहि श्रावण २७ गतेबाट देशव्यापी रूपमा प्रदर्शनमा आउने भएको छ ।
Liked by:
