थुप्रै सुपरहिट गीतहरुमा आफ्नो नृत्य निर्देशनको जादु चलाउन सफल कोरियोग्राफर रेनषा बान्तवा राइले निर्देशन गरेको चलचित्र “इन्टु मिन्टु लण्डनमा”को टिजर सार्वजनिक भएको छ । युट्युब स्टार धिरज मगर र साम्राज्ञी आर एल शाहको अभिनय देख्न सकिने यस रोमान्टिक चलचित्रको आज कमलपोखरी स्थित कुमारी सिनेमामा आयोजना भएको कार्यक्रममा थुप्रै चलचित्रकर्मी र संचारकर्मीहरुमाझ टिजर सार्वजनिक गरिएको हो ।
आइकोर फिल्म्सले निर्माण गरेको यो चलचित्र निर्देशक रेनषा राइ र अभिनेता धिरज मगरको पहिलो चलचित्र पनि हो भने चलचित्रमा यी दुइ का अलावा सारुक ताम्राकार, विजय लामा र पत्रकार दिल भुषण पाठकको पनि उपस्थिति रहेको छ । आफ्नो पहिलो चलचित्र भएका कारण निर्देशक रेनषाले चलचित्रको लागि निक्कै मेहनत गरेको कुरा आज आयोजित प्रेस मिटमा बताइन ।
अहिले जारि विश्वकप सकिएपछी चलचित्रको पहिलो गीत पनि सार्वजनिक हुने कुरा समेत आजको कार्यक्रममा निर्माण पक्षले जानकारी दिएका छन् । चलचित्र “इन्टु मिन्टु लण्डनमा” यहि आउने आश्विन ५ गतेबाट देशव्यापी रुपमा प्रदर्शनमा आउने भएको छ ।
Liked by:
