२०७३ बिशेष : सर्वाधिक रुचाइएका १० नेपाली गीतहरु | Hamro Patro
DOWNLOAD APPS BY HAMRO PATRO

ब्लग - साहित्य / मनोरञ्जन

२०७३ बिशेष : सर्वाधिक रुचाइएका १० नेपाली गीतहरु




   मन्दिप गाैतम - Apr 11 2017

तपाईको मन पर्ने गीत चाही कुन हो त ?



अहिले हामी २०७३ को लगभग अन्त्यमा आइसकेको छौ । अहिले नयाँ वर्ष २०७४ लार्इ भव्य स्वागत गर्न हामी प्राय सबै तैयार भैसकेको छौ होला । यस्तोमा २०७३ को धेरै कुराहरु सम्झना गर्न जरूरी छ , यहि सम्झनालार्इ सुरुवात दिने क्रममा आज हाम्रो पात्रो यहाँहरुमाझ २०७३ को उत्कृष्ट १० नेपाली गीतहरु यहाँहरुमाझ प्रस्तुत गर्दछ । यी गीतहरुलार्इ श्रोताहरुमाझ कै लोकप्रियताको आधारमा हामीहरुले प्रस्तुत गर्न गैरहेका छौ ।

यी १० गीतले बर्ष भरि कुनै न कुनै प्रभाव श्रोताहरुमाझ बनाइराखे , वर्षभरि यी गीतहरु हामी मध्य धेरै ले गुनगुनाएका छौ र पक्कै पनि यो बर्ष मात्र नभई अर्को बर्ष नि यसलाई गुन्गुनाउने छौ ।

१० कहिले भेट्ने खै
संगीत : अल्मोडा राना उप्रेती
शब्द : अल्मोडा राना उप्रेती
स्वर : अल्मोडा राना उप्रेती


“पानि पर्यो असिना झर्यो” का सफल गायक संगीतकार अल्मोडाको यसै वर्ष आएको अर्को गीत “कैले भेट्ने खै”को लिरिकल भिडियोलार्इ मात्र युट्युबमा २० लाख भन्दा धेरै पटक हेरिसकिएको छ । टाढा बसिरहेका प्रेमी प्रेमिकाहरुको लागि डेडीकेट गरिएको यो गीतको शब्दहरु स्वयम् अल्मोडा आफैले लेखेका हुन् । यो छोटो मीठो गीतले केहि समय पछी श्रोताहरुको थप माया पाउने हामीलाई बिस्वास छ ।

९ नाइँ मलाई थाहा छैन

संगीत : आशिष अविरल
शब्द : एकनारायण भण्डारी
स्वर : सन्जीब पराजुली र टिका प्रसाई



यो बर्षका गीतहरु मध्य थोरै समयमै श्रोताहरुले धेरै रुचाएको अर्को गीत हो “नाइँ मलाई थाहा छैन “ । सन्जिब पराजुली र टिका प्रसाइको गीत “नाइँ मलाई थाहा छैन” को क्लब मिक्सलार्इ चर्चित कार्टूनज क्रिउले आकर्षक भिडियोमा उतारेपछि यो गीतले थुप्रैलार्इ लट्ठ बनायो । उत्कृष्ट गीतमा कार्टूनज क्रिउको आकर्षक नृत्य र अलिशा राइको उपस्थिति यो गीत सफल बन्नुको कारण बन्यो ।

८ म नाचे

संगीत : दीपक शर्मा
शब्द : दीपक शर्मा
स्वर : पशुपति शर्मा र टिका पुन


ब्रासलेट फिल्मको उत्कृष्ट गीत “म नाचे” हरेक पक्ष बाट एउटा अव्वल गीत छ । युट्युबमा उल्लेखनीय चर्चा नपाए पनि बाहिर यो गीतको श्रोताहरुमाझ चर्चा प्रसस्तै छ । रमेश उप्रेतीको कम्ब्याक चलचित्र ब्रासलेटको यो गीत पनि बर्षको सर्वाधिक रुचाइएको गीतहरु मध्य एक हो ।

७ पिक्चर हिट

संगीत : दीपक शर्मा
शब्द : लेखु सहयात्री
स्वर : कृष्ण काफ्ले र सहिमा श्रेष्ठ


शिल्पा पोखरेल अभिनित चलचित्र “किस्मत २” को हिट गीत पिक्चर हिट पनि यो बर्ष धेरै भन्दा धेरै ठाउँहरुमा बज्ने गीतहरु मध्य एक गीत हो । यो उत्कृष्ट डान्स नम्बरलाई श्रोताहरुले गीतकै बोल जस्तै दिलमा नि फिट बनाए र मनमा नि फिट बनाए ,तसर्थ यो गीत यो बर्षको एउटा हिट गीत बन्न पुग्यो ।

६ देखन चम्पा

संगीत : दीपक शर्मा
शब्द : शान्तिप्रिय
स्वर : कृष्ण काफ्ले र दीपा श्री निरौला


यो सुचीमा ह्याट्रिक हान्दै छन् संगीतकार दीपक शर्मा ।चलचित्र छक्का पन्जाको रोमान्टिक ट्रयाक देखन चम्पा सुनन चम्पा यो वर्ष सर्वाधिक रुचाइएका गीतहरु मध्य पर्न सफल भयो । पश्चिमेली शब्द यो गीतको मुख्य आकर्षण थियो । मुख्यत दीपक राज गिरि र प्रियंका कार्की बीच छायांकन गरिएको यो गीतलार्इ सफल संगीतकर्मी अल्मोडा राना उप्रेतीले एरेन्ज गरेका हुन् भने उक्त गीतमा दीपक शर्माको संगीत र कृष्ण काफ्लेसंगै स्वयम् चलचित्र कि निर्देशक दीपा श्री निरौला को समेत आवाज सुन्न सकिनेछ ।

५ काले दाइ

संगीत :कोशिश क्षेत्री
शब्द : दिनेश राउत
स्वर : निश्चल बस्नेत र मिना निरौला


यो बर्षको सरप्राइज हिट गीत हो काले दाइ । रमाइलो शब्द र निर्देशक कलाकार निश्चल बस्नेतको उपस्थितिमा कोशिश क्षेत्रीको उत्कृष्ट संगीत ,यी सबैको मिश्रण गीत काले दाइलार्इ थोरै समयमा ८० लाख बढी दर्शकले हेरिसकेका छन् । पछिल्लो क्रममा थुप्रै बिबाह पार्टीमा बज्ने गीतहरुमा यो पहिलो नम्बरमा आउने गरेको छ ।

४ निर

संगीत : काली प्रसाद बास्कोटा
शब्द : काली प्रसाद बास्कोटा
स्वर : काली प्रसाद बास्कोटा


नेपाली संगीतप्रेमीहरुको मन मस्तिष्क बाट अघिल्लो बर्षको गीत जालमाले अझै राज गरिरहँदानै काली प्रसाद बास्कोटाको अर्को गीत निर आइदियो । चलचित्र पुरानो डुंगाको यो गीतलार्इ दर्शकले पूर्णाङ्क दिए । युट्युबमा यो गीतको लिरिकल भिडियोलार्इ मात्रै ७० लाखले सुनेका छन् ।

३ पुर्व पश्चिम रेल

संगीत : राजन राज सिवाकोटी
शब्द : राजन राज सिवाकोटी
स्वर : राजन राज सिवाकोटी र अन्जु पन्त


वडा नम्बर ६ को “सुर्के थैली खै “ले नेपाली सांगीतिक क्षेत्रमा एउटा नयाँ किर्तिमान बनाएपछि पक्कै पनि दीपक – दीपालाई त्यसपछिको आफ्नो चलचित्र छक्का पन्जाको लागि त्यहि स्तरको गीत बनाउन एक किसिमको दवाव पक्कै भएको हुनपर्छ र राजन राज सिवाकोटीको शब्द संगीत र स्वरमा बनेको यो उत्कृष्ट गीत पुर्व पश्चिम रेलले सोचेजस्तै भैदिएर उनीहरुको स्तर कायम मात्र नगरिकन छक्का पन्जाको सफलताको लागि पनि मदद पुर्यायो ।

२ ठमेल बजार

संगीत : काली प्रसाद बास्कोटा
शब्द : एकतारे र काली प्रसाद बास्कोटा
स्वर :कालीप्रसाद बास्कोटा , मिना निरौला र भानुभक्त ढकाल


यो बर्षको बहुप्रतिक्षित चलचित्र लूट २ को गीत “ठमेल बजार “ले छोटो समय मै यति लोकप्रियता पायो जुन सायाद कसैले सोचेको थिएन । अलिशा राइको दमदार डान्ससंगै कलाकारको स्टार भ्यालु र फेरी एकपटक जादुइ संगीतकार काली प्रसाद बास्कोटाको संगीत सबै यो गीतको पक्षमा रह्यो । ठमेल बजार छोटो समयमै, युट्युबमा धेरै पटक हेरिएको सुर्के थैली खै पछिको दोस्रो गीत बन्न पुगेको छ ।

१ साइली
  

संगीत : काली प्रसाद बास्कोटा
शब्द : कलि प्रसाद बास्कोटा र हिमाल साउद
स्वर : हेमन्त राना



“सुन साइली परदेशबाट म आउला , सुन साइली ४० कटेसी रमाउला “ सायद यी शब्दको मर्म थुप्रै नेपालीको जीवनसंग मेल खाने भएकाले नै हुनपर्छ केहि समय अघि मात्र रिलिज भएको हेमन्त शर्माको साइलीले अपार सफलता पायो । लगभग १ करोड पटक हेरिन लागिएको यो गीतको भिडियो भन्दा अगाडी आएको लिरिकल भिडियो पनि ४५ लाख माथि श्रोताले हेरिसके । जादुइ संगीतकार काली प्रसाद बास्कोटाको संगीत रहेको यो गीतले यो बर्ष मात्र नभइ सधैको लागि नेपाली श्रोताहरुको मनमा ठाउँ बनाएको छ ।

वर्षभरिका यी उत्कृष्ट गीतहरुमध्य तपाईको मन पर्ने गीत चाही कुन हो त ? हामीलाई कमेन्ट गर्नुहोला ।



Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.