नेपाल खेलकुदमा दिन प्रतिदिन उदाइरहेको देश हो । यहाँ बिभिन्न थरिको खेलकुद खेल्ने गरिन्छ । त्यस्तै एउटा रोचक खेल नेपाली खेलाडीहरुले बिगतको ७ बर्ष देखि खेल्दै आएका छन् र विश्व सामु त्यहि खेलमा नेपाललार्इ उच्च स्थानमा राख्न सफल भैरहेको छन्, त्यो रोचक खेल हो रोल बल ।
रोल बल अर्थात स्केटमा चिप्लदै खेलिने बास्केटबल किसिमको खेल । यो बास्केटबल भन्दा भिन्न किन छ भने यहाँ खेलाडीहरुले गोल बास्केटमा हैन , फुटबल जस्तो गोल पोस्टमा हान्नु पर्दछ । नेपालले सन् २०१० देखि रोल बल खेल्न सुरु गरेको हो र सायद धेरै खेलकुद प्रेमीहरुलाई पनि यो थाहा नहुन सक्छ कि अहिलेको समयमा लगभग ६० भन्दा बढी देशमा खेलिने यो खेलको विश्व सुचीमा अहिले नेपालको स्थान उत्कृष्ट ५ मा रहेको छ ।
अर्कोपटकको ओलम्पिकमा रोल बल खेलिने लगभग तय भैसकेको अवस्थामा र सोहि खेलमा नेपालको अहिलेको प्रस्तुति हेर्ने हो भने यो टिमले अब आउने ओलम्पिकमा नेपालमा पदक ल्याउन नसक्ला भनेर भन्न सकिन्न । रोल बलका खेलाडीहरुलाई सोहि किसिमको तैयारी र प्रोत्साहनको आवश्यकता छ ।
यहि पौष १४ र १५ गते दशरथ रङ्गशालामा हुने तेश्रो दक्षिण एसियाली रोल बल च्याम्पियनशिपमा नेपालको प्रतिस्पर्धा अरु ७ देशसंग हुदैछ । यो कडा प्रतिस्पर्धामा नेपालि खेलाडीहरुको हौसला बढाउन अवश्य दशरथ रङ्गशाला पुग्न जरूरी छ ।
रोल बलको बारेमा थप रोचक कुराकानीहरु हाम्रो पात्रोले यस खेलको नेपालका कोच सुनिल ढागी पाटिलसंग गरेको छ । भिडियोमा अवश्य हेर्नुहोला :
Liked by:
