Aamaaa | Hamro Patro

आमा

   पुष्पराज यादव - Nov 15 2024

आमा तिमी हौ मेरो जीवनको उज्यालो,
तिम्रो माया र ममता ले गर्दा मलाई लाग्छ संसार रमाइलो।
तिम्रो मुस्कानमा छ खुशीयालीको फूल,
तिम्रो आँशुमा छ पीडा र ममता मिलेर बनेको मूल।

तिमीले दिएउ त्यो साथ, त्यो माया, त्यो सहारा,
हर समय म टाढा हुँदा पनि म मनमा राख्छु तिम्रो किनारा।
तिम्रो काखमा बसेर बिर्सन्थे दु:ख र पीर,
तिम्रो त्यो आवाजमा सधैं पाइन्थ्यो साहस र आशाको तीर।

तिमी हौ मेरो पहिलो गुरू, मेरो पहिलो साथी,
सधैं भरि सम्झिरहन्छु तिम्रो त्यो मीठो गोडाले चुमेको माटोको गन्ध।
आमा तिमी हौ मेरी देवी, मेरो अनन्त प्रेरणा,
जीवनका हरेक मोडमा तिमी नै होऊ सधैं मेरो मार्गदर्शक प्रेणास्रोत।