सपनाको देश

बर्ष महिनाझै सरी रहेछ
महिना हप्ता झै लम्की रहेछ
हरेक दिन एक घण्टाझै लाग्छ
कथित यो सपना को देशमा
जहाँ सपना देख्ने निन्द्रा
दिनहु लुटीई रहन्छ
पसिनासँग साटेको डलर बोकी मेरो देश जान
उडी रहेको हुन्छु एटलान्टिक को आकाश माथि
अचानक बिउँझीन्छु त्यो कर्कश अलरमको आवाजले
अनी फेरी थाल्छु म
बर्ष लाई महिना बनाउन
महिना लाई हप्ता बनाउन
अनी एउटा सिङो दिन लाई एक घण्टा बनाउन ।। 

-----

हाम्रो पात्रोको 'ब्लग/साहित्यमा' यदि यहाँहरू पनि अाफ्ना लेख रचना सार्वजनिक गर्न चाहनुहुन्छ भने हामीलार्इ तपार्इको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत [email protected] मा इमेल पठाउनुहोस्|