खै कहाँ कोरु प्रेम पत्र ?
कागजहरु रिक्त छैनन्
जस्तै ;
कसैको मन रित्तो देखियनी
वास्तविकता भिन्न होस्
रिक्त पानाहरुमा
प्रेमको गहिराइ देखिन्न रहेछ
प्रेमको फैलावट अटाउन्न रहेछ
हो, वास्तवमै
प्रेमरुपी अभिलाषा पत्रमा कोरिन्न रहेछ !
कसलाई देखाँउ, म यि प्रेम पत्र ?
मलाई थाहा छ
तिमी जरुर हेर्दैहेर्दिनौ
अरुले हेरुन् न
बिचरा सिवाय केही भन्ने छैन् !
के लेखु, म मेरो प्रेम पत्रमा ?
मेरा लागि प्रेम ठानिने शव्दहरुले
तिम्रा सामु अनुरागविहिनता बोल्दछन्
कसरी लेखु प्रेमले ओतप्रोत शब्दहरू
तिम्रो लागि
त केवल
बाह्रखरि र x,y,z का शमिश्रण न हुन् !
कसलाई भनु, मेरो प्रेम कहानी ?
म त आजित छु
सुनाउदा सुनाउदै
तुलनात्मक सामुन्द्रिक गहिराइ झै प्रेम
अनि रिक्तताको आकाशमा
झिलिमीलि तारा झै रङ्गिन जिन्दगी
सँगै तिमीप्रतिको मेरो त्याग
ज्वालामुखि भित्रको लाभाझै
उम्कन खोजिरहेको प्यार
उहीँ मदन र मज्नुझै दास वनाउन तत्पर देखिन्छ !!
------
हाम्रो पात्रोको 'ब्लग/साहित्यमा' यदि यहाँहरू पनि आफ्ना लेख रचना सार्वजनिक गर्न चाहनुहुन्छ भने हामीलाई तपाइँको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत [email protected] मा इमेल पठाउनुहोस्।
Liked by:
