म राष्ट्रियताको कुरा गर्छु
उनी राजनीतिको
म समस्या,सम्भावनाका कुरा गर्छु
उनी परिवर्तनको भाषण
म टालेको लुगाको
बाध्यता हेर्छु
उनी इटालियन कार्पेटको
भरिएको सुटकेसको
टल्किएको गाडीको
म सपनाको सहरको
यथार्थ खोज्छु
उनी यथार्थको ढुङ्गा
आन्दोलनमा प्रहार गर्छिन्
म उड्न सक्ने आकाश
नाप्न नसक्ने अन्तरिक्ष
र आत्मस्वभिमान खोज्छु
उनी त्यै बुढो अज्ञान
क्षमता हिन मुढाको
आगो ताप्छिन
Liked by: