किन होला ? | Hamro Patro

किन होला ?

   Saroj Setu - Aug 30 2016

छाती भित्र यो अफ्ठ्यारो किन होला !
जति बढ्छ त्यति प्यारो किन होला !!

यूगले जन्माउँछ भन्छन सपुत अब
तर जन्मन'लाई यति गाह्रो किन होला !!

भोकै उड्छ बादल छेड्दै, खाँदैन आफु 
चुच्चोमा'त्यो पन्छीको चारो किन होला !!

अझै देश बनाउँछु भन्दैछन हरेक नेता
छ्या ! लाजको यो पसारो किन होला !!

आउनु नै रैछ त, बिहानी संगै उज्यालो 
फेरी त्यो रात भर अध्याँरो किन होला !!

लेखकः सरोज सेतू
सुनसरी घर तर हाल यूएर्इ
---
तपार्इ पनि अाफ्ना लेख रचना 'हाम्रो पात्रो'मा राख्न चाहनुहुन्छ भने हामीलार्इ यस ठेगानामा इमेल गर्नुहोस्ः [email protected] | धन्यवाद ।