विक्रम संवत २०८१ साल अर्थात् श्रीशालिवाहनीय शाके १९४६ ईस्वीय सन् २०२४-२०२५ र नेपाल संवत ११४४-११४५ । नेपाल सरकारको गृह मन्त्रालयले सबै सरकारी कार्यालय तथा सार्वजनिक निकायको लागि संवत् २०८१ साल बैशाख १ गतेदेखि चैत्र मसान्तसम्मको सार्वजनिक एवम् पर्व बिदाहरूको सूचना प्रकाशन गरेको छ । हाम्रो पात्रोका सम्पूर्ण प्रयोगकर्ता परिवारहरूको जानकारीका लागि प्रस्तुत छः विदाहरूको संक्षिप्त जानकारी ।
१) नयाँ वर्ष - बैसाख १ गते शनिबार ।
२) रामनवमी - बैसाख ५ गते बुधवार ।
३) विश्व मजदुर दिवस - (मे १) - बैशाख १९ गते बुधबार ।
४) चण्डी पूर्णिमा (बैसाख पूर्णिमा), बुद्ध जयन्ती, राई, लिम्बु, याक्खा, सुनुवारलगायतका किराँत समुदायको उभैाली पर्व - जेठ १० गते बिहिबार ।
५) गणतन्त्र दिवस - जेठ १५ गते मङ्गलबार ।
६) रक्षाबन्धन - भदौ ३ गते सोमबार ।
७) गाईजात्रा - भदौ ४ गते मङ्गलबार (देशभरका नेवार समुदाय र काठमाण्डौ उपत्यकाका लागि मात्र ) ।
८) श्रीकृष्ण जन्माष्टमी - भदौ १० गते सोमबार ।
९) गैारा पर्व - भदौ १० गते सोमबार । (सम्बन्धित समुदायलाई मात्र)
१०) हरितालिका (तीज) व्रत - भदौ २१ गते शुक्रबार । (महिला कर्मचारीहरूको लागि मात्र)
११) इन्द्रजात्रा - असोज १ गते मङ्गलबार (काठमाण्डौ उपत्यकाका लागि मात्र ) ।
१२) संविधान दिवस (राष्ट्रिय दिवस) - असोज ३ गते बिहिबार ।
१३) जितिया पर्व - असोज ९ गते बुधबार (जितिया पर्व मनाउने महिला कर्मचारीको लागि) ।
१४) घटस्थापना - असोज १७ गते बिहिबार ।
१५) दशैं बिदा (असोज २४ गते बिहिबारदेखि असोज २८ गते सोमबारसम्म (फूलपातीदेखी द्वादशीसम्म) ।
१६) तिहार बिदा (कार्तिक १५ गते बिहिबार देखि कार्तिक १९ गते सोमबारसम्म) लक्ष्मीपूजा कार्तिक १५ गते बिहिबार, म्ह पूजा, नेपाल संवत् प्रारम्भ, गोवर्धन पूजा - कार्तिक १७ गते शनिबार, र भाइटिका /किजा पूजा - कार्तिक १८ गते आइतबार ।)
१७) छठ पर्व - कार्तिक २२ गते बिहिबार
१८) फाल्गुनन्द जयन्ती - कार्तिक २५ गते आइतबार (किराँत धर्मावलम्बीहरूको लागि मात्र)
१९) गुरु नानक जयन्ती - कार्तिक ३० गते शुक्रबार (नेपाली सिख धर्मावलम्बीहरूको लागि मात्र)
२०) अन्तरराष्ट्रिय अपाङ्गता दिवस (डिसेम्बर ३) - मङ्सिर १७ गते मङ्गलबार । (नेपाल भित्रका सम्पूर्ण अपाङ्गता भएका कर्मचारीको लागि मात्र)
२१) धान्य पूर्णिमा - किराँत समुदायको उधौली पर्व, योमती पुन्हि (ज्यापु दिवस) - मङ्सिर ३० गते आइतबार ।
२२) इसाई धर्मावलम्बीहरूको पर्व क्रिसमस डे, (डिसेम्बर २५ ) - पुस १० गते बुधबार ।
२३) तमू ल्होसार - पुस १५ गते सोमबार ।
२४) पृथ्वी जयन्ती (राष्ट्रिय एकता दिवस) - पुस २७ गते शनिबार ।
२५) माघी पर्व/माघे सङ्क्रान्ति - माघ १ गते मङ्गलबार ।
२६) सहिद दिवस - माघ १६ गते बुधबार ।
२७) सोनम ल्होसार - माघ १७ गते बिहिबार ।
२८) वसन्त पंचमी - माघ २१ गते सोमबार । (शिक्षण संस्थाहरूको लागि मात्र)
२९) राष्ट्रिय प्रजातन्त्र दिवस - फागुन ७ गते बुधबार ।
३०) महाशिवरात्री - फागुन १४ गते बुधबार ।
३१) हिमाली आदिवासी शेर्पाहरूले मनाउने ग्याल्पो ल्होसार - फागुन १६ गते शुक्रबार ।
३२) अन्तर्राष्ट्रिय महिला दिवस (मार्च ८) - फागुन २४ गते शनिबार ।
३३) फागु पूर्णिमा - हिमाली र पहाडी लगायत ५६ जिल्लाहरूमा फागुन २९ गते बिहिबार र तराईका २१ वटा जिल्लाहरूमा चैत्र १ गते शुक्रबार ।
३४) घोडेजात्रा - चैत्र १६ गते शनिबार (काठमाण्डौ उपत्यकाका लागि मात्र ) ।
३५) इस्लाम धर्मावलम्बीहरूको पर्व ईद (ईद उल फित्र) का दिन ।
३६) इस्लाम धर्मावलम्बीहरूको पर्व बकर ईद (ईद उल अजहा) का दिन ।
३७) मत्स्येन्द्रनाथको भोटो देखाउने जात्रा (सो जात्रा हुने दिन काठमाण्डौ उपत्यकाका लागि मात्र ) ।
३८) सिरुवा पावनिको दिन - (सो पर्व मनाउने झापा, मोरङ, सुनसरी, सिरहा र सप्तरी जिल्लाहरूमा) ।
३९) मोहम्मद जयन्तीका दिन - (नेपाली मुस्लिम धर्मावलम्बीहरूको लागि मात्र) ।
२०८१ साल शुभ रहोस् ।
Liked by:
