आप्रवाशन मन्त्री पूर्व सरकारका प्रखर बिपक्षी हुन् जसले आप्रवाशनका बिषयमा प्रखर समालोचना गर्दथे । दृष्टिबिहीन पाराओलम्पीयन अपांगता र खेल मन्त्री हुन् । बित्त मन्त्री सफल ब्यापारी हुन् । कृषि र खाद्य मन्त्री पूर्व कृषक हुन् । लैगींक समानता र अन्य समावेशीताका लागि क्यानडाका मन्त्रीमण्डल उदहारण हो ।
क्यानडा नर्थ अमेरिकाको एउटा सार्वभौम देश हो । अमेरिकाबाट तन्किएको यो देश आर्कटीक सिमासम्म रहेको छ । क्षेत्रफलका हिसाबले विश्वकै सबैभन्दा ठुलो देशको सूचीमा दोश्रो देश क्यानडालाई मानिन्छ । प्रति व्यक्ति आय का हिसाबले १५ उच्च देशमा क्यानडा पनि पर्दछ र शाषन सत्ताका हिसाबले क्यानडा संघीय संसदिय प्रजातान्त्रीक मुलुक हो जहाँ संवैधानिक राजतन्त्र रहेको छ । महारानी एलीजावेथ २ क्यानडाकी राष्ट्राध्यक्ष हुनुहुन्छ ।
क्यानडाको वर्तमान मन्त्रीमण्डल बिश्वकै लागि एउटा उदाहरण भएको छ, संसारका अधिकांश संसदमा राजनैतिक खिचातानी चल्दछ र पदका लागि झगडा र तनाव संसदका लागि सामान्य हो । प्रजातन्त्रका खोल ओढेका देशहरुले भ्रष्टाचार, कमिसन अनि राष्ट्रघाती कार्य र पदवहाल गर्ने चलन हामीले नदेखेका होइनौं तर बिस्तारै संसारमा अब प्रजातन्त्र सर्वत्र संस्थागत हुनेछ भन्ने आशा हामीसंग अझै छ । सहि पदमा सहि मान्छे पुग्न जरुरी हुन्छ , जब जब बिकासको कुरा आँउछ तब तब नेतृत्व अनि तठस्तता र अनुभव को कुरा आँउदछ । प्रणाली र संरचना सफल र अनुभवी नेतृत्वको दक्षताले निर्माण गर्दछ । सम्बन्धित कुरामा दक्ष नेतृत्वको चयनमा क्यानडाको अहिलेको मन्त्रीमण्डल अनुपम दृष्टान्त भएको छ । नेपालमा अहिले नयाँ मन्त्रीमण्डलको कुरा भइरहँदा क्यानडाका नेतृत्ववाट पनि केही सिक्ने कि ?
४६ बर्षका जस्टीन टिरड्यू क्यानडाका प्रधानमन्त्री हुन् । सन् २०१५ को नोभेम्बर महिनाबाट अहिलेसम्म यिनी प्रधानमन्त्री हुन् र यिनी प्रधानमन्त्रीका साथै इन्टरस्टेट गभरमेन्ट र युवा मन्त्री पनि हुन् ।
यातायात मन्त्री मार्क गार्नेयू हुन् जो विश्वसिद्ध अन्तरिक्षयात्री एवं अन्तरिक्षबिज्ञ मानिन्छन् । मार्क गार्नेयू पेशाले इन्जिनीयर हुन् जसले सेनामा पनि कार्य गरेका थिए । भौतिक पूर्वाधार व्यबस्थापन अनि निर्माणमा उन्को अनुभव यथेष्ट रहेको छ । कार्लेटन यूनिभर्सिटी ओटावाका चान्सलर पनि भएका यिनी सन् २०१५ को फेडेरल चुनावमा बहुमतका साथ बिजयी उम्मेदवार हुन् ।
क्यानडामा ट्रेजरी बोर्ड मन्त्री अर्थात खरखजाना या आर्थिक शंशाधन सुरक्षा मामिलाका मन्त्री स्कोट ए ब्रिन्सन हुन् । यिनी सन् २००५ मा वल्र्ड ईकोनोमिक फोरमद्धारा आफ्नो अर्थ संरक्षण र नेतृत्वका लागि बर्ष युवाको पदवीले सम्मानीत व्यक्तित्व हुन् ।
उता परराष्ट्र मन्त्री श्रीमती क्रिस्टीया फ्रिल्याण्ड हुन् । सन् २०१५ मा क्यानडाकी ५० प्रभावशाली महिलाको सूचीमा सूचीबद्ध यिनी पेशाले एउटी लेखक र पत्रकार हुन् । रसियाको कम्यूनिजम बाट क्यापीटलिज्म सम्मको यात्रालाई विश्वप्रसिद्ध पुस्तक सेल आफ द सेन्चुरीमा यिनैले लेखेकी हुन्, विश्व घटनाक्रम र बिकासमा यिनको दक्षता अद्धितीय छ ।
बालबालिका तथा समाज बिकास मन्त्री जेन ड्यूक्लोस हुन् । यिनले अर्थशास्त्रमा पीएचडी गरेका छन् र समाज र अर्थतन्त्र अनि सशक्तिकरणका बिषयमा यिनका आर्टिकल अनि बिचारहरु विश्वभरिका विद्यार्थीहरू ले पढ्ने गरेका छन् ।
रोजगार मन्त्री श्रीमती प्याटी ह्याज्डु हुन् जो आफ्नो समाजवादी धारणा अनि बिचारका लागि अत्यन्त प्रसिद्ध छिन् । यिनले पब्लीक एडमिनीस्ट्रेशन पढेकी हुन् । जिवनको ९ बर्ष थन्डर बे भन्ने ठाँउमा लागुऔषध दुव्र्यसनका बिरुद्ध सेवा अनि जनचेतनाका लागि यिनले अनवरत कार्य गरेकी छिन् । बजारशास्त्रमा र्सिजनात्मक निर्देशक अनि बिभिन्न सामाजिक जनचेतना कार्यका लागि अत्यन्त सफल बिज्ञापन र तवरहरुको यिनले सिर्जना गरेकी छिन् । क्यानडाको सबैभन्दा ठूलो सेल्टर हाउस अर्थात घरबारबिहीनका लागि बनाइएको सेल्टर हाउस कि निर्देशक समेत भएकी यिनी अत्यन्त प्रभावशाली छिन् ।
प्राकृतिक संशाधन मन्त्री जिम कार यहुदी सन्तती हुन् । उनी पत्रकार, संगीतकार अनि कुशल प्रशासक हुन् । मन्त्री हुनअघि यिनी मानीटोवा कला केन्द्रका अध्यक्ष थिए ।
उता राष्ट्रिय सुरक्षा मामीला मन्त्री भने भारतीय मूलका हरजीत सज्जन हुन । उनी यसअघि अपराध उन्मुलन शाखाका जासुस अनि कुशल सुरक्षाकर्मी हुन् । रेजिमेन्ट कमाण्डर भएर अफगानीस्तानमा पनि यिनले क्यानडीयन आर्मीका तर्फवाट कार्य गरेका छन् । उनी भारतको पंजाव होर्सापुरमा जन्मीएका हुन्।
यस्तै अर्का भारतीय मुलका नवदीप बैन्स आर्थिक बिकास, बिज्ञान अनि नर्वप्रर्वतन अर्थात इनोभेशनका मन्त्री हुन् । यिनी पनि क्यानडामा जन्मीएका पंजाबी हुन् र पेशाले यिनी चार्टड एकाउण्टेन्ट हुन् । विश्वप्रसिद्ध फोर्ड गाडी कम्पनीका मुख्य फाईनान्स एनालसीस्ट अनि रेभीन्यू एनालसीस्टका रुपमा यिनले ४ बर्ष कार्य गरेका छन् ।
आप्रवाशन मन्त्री पूर्व सरकारका प्रखर बिपक्षी हुन् जसले आप्रवाशनका बिषयमा प्रखर समालोचना गर्दथे । दृष्टिबिहीन पाराओलम्पीयन अपांगता र खेल मन्त्री हुन् । बित्त मन्त्री सफल ब्यापारी हुन् । कृषि र खाद्य मन्त्री पूर्व कृषक हुन् । लैगींक समानता र अन्य समावेशीताका लागि क्यानडाका मन्त्रीमण्डल उदहारण हो ।
हाम्रो पात्रो
Liked by:
