एन आई सी एशिया बैंक लिमिटेडको *SMART TELLER” सञ्चालनमा | Hamro Patro
DOWNLOAD APPS BY HAMRO PATRO

ब्लग - साहित्य / हाम्रो लेख

एन आई सी एशिया बैंक लिमिटेडको *SMART TELLER” सञ्चालनमा




“Smart Teller” मार्फत बैंकका ग्राहक महानुभावहरूले चेक विना नै आफनो Mobile Banking तथा Debit Card प्रयोग गरि काउन्टरबाट रकम झिक्न सक्नुहुनेछ



एन आई सी एशिया बैंकले आफ्नो ग्राहक महानुभावहरुको सुविधालाई मध्यनजर गर्दै डिजिटल बैंकिङ्ग प्रबिधिमा आएको विकासलाई नयाँ उचाइदिन तथा ग्राहकको सुविधालाई अझ परिस्कृत गर्ने अभिप्रायले बैंकले आफ्नो सम्पुर्ण शाखा कार्यालयहरुमा रहेका Teller लाई आधुनिकिकरण गरि “Smart Teller संञ्चालनमा ल्याएको छ ।

एन आई सी एशिया बैंकले पछिल्लो समय विभिन्न ग्राहकमुखी योजना, ग्राहकमैत्री व्यवस्थापन, वस्तु तथा सेवाको उन्नत गुणस्तर, उपभोक्ता सन्तुष्टि, सुशासन लगायतका अवयवहरुमा केन्द्रित हुदै निजी क्षेत्रबाट सञ्चालित बैंकहरू मध्ये देशको सबैभन्दा ठूलो बैंक बन्न सफल भएको छ ।

यस “Smart Teller” मार्फत बैंकका ग्राहक महानुभावहरूले चेक विना नै आफनो Mobile Banking तथा Debit Card प्रयोग गरि काउन्टरबाट रकम झिक्न सक्नुहुनेछ। यस कार्यले डिजिटल बैंकिङ्गको विकासमा थप उचाई प्राप्त गर्ने बिश्वास बैंकले लिएको छ।

बैंकलाई आम जनमानसले गरेको प्रगाढ विश्वास, अगाध स्नेह र बैंक प्रतिको भरोसाले गर्दा मुलुकभर २७७ शाखा कार्यालयहरु, २९० एटिएम, ३९ वटा एक्सटेन्सन काउण्टर एवं २३ वटा शाखा रहित बैंकिङ्ग ईकाई मार्फत बैंकिङ्ग सेवा प्रदान गर्ने मुलुककै सबैभन्दा ठूलो शाखा सञ्जाल भएको बैंक हुन सफल भएको छ । बैंकको वासलातको आकार रू. २१३ अर्ब भन्दा बढि पुगेको छ भने कुल निक्षेप करिब रू. १७० अर्ब पुगि निजी क्षेत्रबाट स्थापित बैंकहरु मध्ये नेपालको सबैभन्दा ठूलो बैंक तथा कुल कर्जा करिब रू १४९ अर्ब सहित निजी क्षेत्रका बैंकहरु मध्ये नेपालको सबैभन्दा ठूलो बैंकको रुपमा बैंकले आफ्नो पहिचान बनाउन सफल भइसकेको छ ।

हालसम्म यस बैंकमा ग्राहकको संख्या करिब १४ लाख ५० हजार रहेको छ । साथै संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई यस बैंकले पालनागर्दै आएको छ । समस्त ग्राहक महानुभावहरूलाई उच्चस्तरीय सेवा दिदै आइरहेको यस एन आई सी एशिया बैंक लिमिटेडले ग्राहक महानुभावहरूको सुझावलाई उच्च सम्मान गर्दै बैंकलाई प्राप्त सुझावहरुलाई मध्यनजर गर्दै अगामी दिनहरुमा यस्तै खालका विभिन्न विद्युतिय सेवाहरु ल्याउने योजना राखेको छ ।



Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.