घटनाबारे विस्तृत अध्ययन र त्यसको प्रतिवेदन आउने नै छ । चालक दल र विमानस्थलका कर्मचारीबीच भएको अन्तिम कुराकानीको सार्वजनिक भएको अडियो अनुसार भने पाइलट निकै बेर अलमलिएको प्रष्ट सुन्न सकिन्छ ।
हवाई सुरक्षाको दृष्टिले नेपाली आकाश असुरक्षित मानिँदै आएको छ भने नेपाल विश्वमै धेरै हवार्ई दुर्घटना हुनेमध्येको देश भनेर पनि कहलिने गरेको छ । भौगोलिक दृष्टिका कारण नेपाल हवाई उडानका लागि चुनौती बन्न पुगेको हो । सोमबार काठमाडौंमा अवतरण गर्ने क्रममा ४९ जना यात्रुको मृत्यु हुने गरी भएको यूएस बंगलादेश विमान दुर्घटनापछि भने नेपाली जमिनमाथि पनि प्रश्न तेस्र्याउन थालिएको छ । यसै पनि काठमाडौंको रनवे साँघुरो मानिँदै आएको थियो । आजको दुर्घटना पश्चात्, यसले अरु थुप्रै समाचारको हेडलाइन बनाउने पक्का भइसक्यो ।
त्रिभुवन अन्तर्राष्ट्रिय विमानस्थलका प्रबन्ध निर्देशक राजकुमार क्षेत्रीका अनुसार भने आजको दुर्घटना साँघुरो रनवेको कारणले नभई निर्देशनको सही पालना नहुनाले भएको हो । सोमबार भएको पत्रकार सम्मेलनमा बोल्दै उनले भने, “अवतरण गर्दाको विमानको अवस्था नमिलेको र अवतरण नगर्नु भन्दाभन्दै पाइलटको जवाफ नआउँदा विमान दुर्घटना भयो ।” रनवे २० का लागि स्वीकृति पाएको विमानले ०२ मा आएर अवतरण गर्न खोज्दा विमान रनवेबाट बाहिर ठोक्किएर दुर्घटना हुन पुग्यो ।
विमानमा ३३ जना नेपाली, ३२ जना बंगाली, एक चिनियाँ तथा एक माल्दिभसका नागरिक रहेका थिए भने चालक दलका चार्र जना सदस्य बंगलादेशका नै थिए ।
घटनाबारे विस्तृत अध्ययन र त्यसको प्रतिवेदन आउने नै छ । चालक दल र विमानस्थलका कर्मचारीबीच भएको अन्तिम कुराकानीको सार्वजनिक भएको अडियो अनुसार भने पाइलट निकै बेर अलमलिएको प्रष्ट सुन्न सकिन्छ । आजै विश्वकप छनौट चरणमा हङकङविरुद्ध भएको खेलमा पाँच विकेटको जित निकाले पनि सो दुर्घटनाले नेपालको आजको जित खल्लो बन्न पुगेको छ । केही युवा क्रिकेट अपडेटमा मस्त रहँदा डाक्टर बन्ने सपना बुनेका केही युवाले संसारबाट बिदा लिए ।
त्यस्तै, सामाजिक सञ्जालमा यसपाला गजबकै सनसनी मच्चियो । आफन्तलाई आपूm सकुशल रहेको जानकारी दिनको लागि खुला गरिएको फेसबुकको “मार्क सेफ”वाला बटनको मज्जैले दुरुपयोग भयो । काठमाडौं नै नछोडेका, विमानस्थलमै नभएका, बंगलादेश नै नपुगेका, काठमाडौंमा नै नभएकाहरु हामीले आपूm सुरक्षित रहेको खबर खोइ कसलाई हो पु¥यायौँ ।
मानवीय क्षति भएका घटनाहरुले आँखा त्यसै नै रसाउँछन् । झन् आफ्ना नानीहरु आफ्ना कोखमा नफर्किनुको पिडा, नेपाल घुमेर आउँछु भनेर हल्लाएर आएको हातको बिदाइ अन्तिम बिदाइ भइदिँदा र मायाले ल्याएको कोसेली हातमा ठम्याउन नपाई संसारबाट अलप हुनुपर्नेको पिडा खपिनसक्नु हुन्छ ।
दिवंगत आत्माले शान्ति पाउन् र शोकाकुल परिवारप्रति हार्दिक श्रद्धाञ्जली । दुःखद घडीमा धैर्यधारण गर्ने शक्ति मिलोस् ।
हाम्रो पात्रो
Liked by:
