'१३ औं साग’को फाइनल फुटबल नेपाल विरुद्ध भुटानबिचको खेलको क्रममा हाम्रो कम्यूनिटीद्वारा सञ्चालित '१३ औं साग सेल्फी कन्टेस्ट'को प्रथम पुरस्कार रु १० हजार बिजेतालाई हस्तान्तर गरिएको छ । बिजेता प्रशन्न खनाल काठमाण्डौ, नक्सालका हुनुहुन्छ र बृहष्पति विद्यासदनमा ब्यवस्थापन संकायमा अध्ययन गरिरहनुभएको छ भने नेपाल स्काउटको कुमारीगाल स्काउट्स ओपन यूनिटसँग आवद्ध हुनुहुन्छ ।
बिजयी तस्वीर समूह सेल्फी हो भने प्रत्यक्ष प्रशारण स्थल दशरथ रङ्गशालामा खिचिएको । तस्वीरमा बिजेता खनाल बाहेक धेरै साथीहरु स्काउट कै पहिरनमा उभिएर समूह सेल्फी खिच्दा उत्साहित देखिन्छन ।
बिजेता खनाललाई हाम्रो पात्रोका मानव संसाधन निर्देशक सुदिना गौतमले चेक हस्तान्तरण गर्नुभयो ।
यो कन्टेस्टमा सहभागीहरुले हाम्रो कम्यूनिटी (https://we.hamropatro.com) प्रयोग गरी दशरथ रङशालाबाट, टेलीभिजन सेट अगाडीबाट, प्रोजेक्टर, मोबाइल जस्ता अनेक डिजिटल सामाग्रीमा प्रत्यक्ष प्रशारण भइरहेको दृश्य ब्याकग्राउण्डमा राखी मोबाइल सेटबाट खिचिएका धेरै सेल्फी तथा समूह सेल्फी हाम्रो कम्यूनिटीको पेजमा पोष्ट गर्नुभएको थियो ।
यस्तो छ बिजयी समूह सेल्फीः
Liked by:
