वैदेशिक रोजगारको क्रममा विदेश गएका लाखौँ नेपाली युवाहरूको स्वास्थ्यको चिन्ता यहाँ नेपाल बस्ने आफन्तहरूलाई हुने गर्दछ । यसरी विदेश जानेहरू विशेषगरि खाडी मुलुकहरूमा गर्मीमा अधिक परिश्रम गर्नुपर्ने हुँदा धेरै बिरामी पर्ने हुन्छन् । स्वास्थ्य समस्या बढ्दै गएपछि कतिपय नेपाल फर्केको अवस्था पनि रहेको छ । केहि कम्पनीहरूले स्वास्थ्य बिमा गरेता पनि अन्य कम्पनीहरूको बिमाको सुविधा गरेको हुदैन । बिरामी भइहाल्यो भने पनि डाक्टरको समय र कामको समय मिलाउन गार्हो हुने गर्दछ । समय मिलेपनि त्यहाँको स्थानिय भाषा जानिएन भने खास समस्या बताउन सकिदैन, जसले गर्दा सहि उपचार पाइदैन ।
खाडी देशहरूमा काम गरिरहेका नेपाली कामदारहरूले स्वास्थ्य सेवाहरूमा पहुँच गर्न गाह्रो भएको अवस्थाहरू जस्तै समय, स्थान, र आर्थिक कठिनाइहरू, जसले गर्दा उनीहरूलाई नियमित स्वास्थ्य जाँच गराउन सकस पर्न सक्छ । यहि सकसलाई सुविधामा बदल्न टेलिहेल्थको मद्दत लिन सकिन्छ । टेलिहेल्थको माध्यमबाट आफ्नो अनुकूल समयमा किफायती तरिकाले घरकै आरामबाट मोबाइल वा कम्प्युटर मार्फत चिकित्सकसँग सिधै कुरा गर्न सक्दछन् । यसले गर्दा उनीहरूको स्वास्थ्य समस्याहरूको चाँडै नै उपचार पाउन सक्दछन् ।
खाडी मूलुकहरूमा विभिन्न भाषा र सांस्कृतिक विविधता छन् । धेरैजसो नेपाली कामदारहरूलाई त्यहाँको अरबी वा अंग्रेजी भाषामा बोल्न सहज हुँदैन । बिरामी भएको बेला डाक्टरसँग परामर्श लिनको लागि अप्ठ्यारो हुन्छ, आफूलाई भएको समस्याको सहि उल्था नहुन सक्छ । सहि तरिकाले समस्या पहिचान भयो भने मात्र सहि समाधान आउछ । टेलिहेल्थ सेवाहरूमा नेपाली भाषामा सेवा प्रदान गर्ने डाक्टरहरूसँग परामर्श गर्न सकिने भएकाले भाषाको अवरोध कम हुन्छ र समस्याको सहि समाधान आउछ ।
यसका साथै टेलिहेल्थको प्रयोग गर्दा समय र खर्चको पनि बचत हुन्छ । कामबाट बिदा लिनु, अस्पताल जानु, र लामो प्रतिक्षा गर्नु पर्ने झन्झट हुँदैन । अनलाइन परामर्शबाट स्वास्थ्य समस्या समाधान गर्न सकिने भएकाले समय र खर्च दुवै बचत हुन्छ । विदेशमा सधै एकै किसिमको काम गर्दै गर्दा मानसिक तनाव र एक्लोपनको समस्याहरू पनि देखिने गर्दछ । यस्तो अवस्थामा पनि टेलिहेल्थको माध्यमबाट सेवाहरू लिएर मनोवैज्ञानिक परामर्श पनि लिन सक्छन्, र मानसिक स्वास्थ्यमा सकारात्मक प्रभाव पर्छ, साथै कार्यक्षमतामा सुधार ल्याउँछ ।टेलिहेल्थको मद्दतबाट नियमित स्वास्थ्य जाँच गराउन सजिलो हुन्छ । नियमित जाँचले स्वास्थ्य समस्याहरूको प्रारम्भिक चरणमै पहिचान गर्न सकिन्छ र आवश्यक उपचार गराउन सकिन्छ । यसले गम्भीर स्वास्थ्य समस्याहरूलाई रोक्न पनि मद्दत गर्दछ ।
अहिलेको समयमा खाडी देशहरूमा काम गरिरहेका नेपालीहरूको स्वास्थ्यको लागि टेलिहेल्थ अत्यन्तै महत्त्वपूर्ण छ । यसले आफ्नै बस्ने ठाँउबाट आफ्नै अनुकूल समयमा, आफ्नै भाषामा, समय र खर्चको बचत गर्दै नियमित जाँच र मनोवैज्ञानिक परामर्श जस्ता सुविधाहरू प्रदान गर्दछ । यसले गर्दा टेलिहेल्थ सेवाहरूको प्रयोग गर्नाले खाडीमा हुने नेपाली कामदारहरूको जीवनस्तरमा सुधार ल्याउन महत्वपूर्ण भूमिका खेल्छ । हाम्रो पात्रोले टेलीहेल्थ सेवा मार्फत परामर्श दिदै आइरहेको छ जसमा घरमै बसी विशेषज्ञ डाक्टरहरूसँग परामर्श सेवा लिन र डाक्टरसँग कुरा गर्दा कन्फेरेन्स कल मार्फत अरू टाढा भएका परिवारहरू पनि जोडिन सक्ने व्यवस्था पनि रहेको छ, जसले गर्दा नेपालमा हुने परिवारको चिन्ता कम हुन्छ ।
Liked by:
