झम्सिखेलको दि फोएरमा ३० बर्ष मुनिका ६० भन्दा बढी युवायुवतीहरु गफ गर्दै थिए, गफको विषय थियो लिपि गफ । युवायुवतीहरुमाझ एकजना परिपक्व व्यक्ति प्रदेश नं ३ का सांसद राजेश शाक्य पनि गफिँदै थिए । लिपि गफ गर्ने क्रममा सांसद शाक्यले रञ्जना लिपिको महिमाको गुनगान गर्दै थिए । संयुक्त राष्ट संघमा नेपाललाई स्वतन्त्र राष्टको रुपमा प्रस्तुत गर्ने काम रञ्जना लिपिको अहम भूमिका रहेको बताए । राष्टको पहिचान गराउने रञ्जना लिपिलाई सबै नेपालीमाझ पु¥याउन आफ्नो सांसद कोषको पचास लाख रुपैया रञ्जना लिपिको प्रचारप्रसार अभियानमा लगाएको कुरा भनि रहँदा उपस्थित युवायुवतीहरु निकै उत्साहित भएका थिए । साथै लिपि गफमा नयाँ पुस्ता गफिन आएकोमा आफु अत्यन्त खुशी भएको व्यक्त गरे ।
नेपाल लिपि गुथिले आयोजना गरेको लिपि गफमा गुथिका अध्यक्ष ई निरञ्जन ताम्राकारले आफ्नो गफ सुनाउने क्रममा नयाँ पुस्तालाई नेपालको मौलिक लिपिहरु सिकाए भने कमसेकम पचास बर्षसम्म उनीहरुले अरुलाई सिकाउन सक्छन् भने ।
लिपि गफ गर्ने क्रममा मिस नेवाः ११३२ सुनिता डंगोलले नेपाल लिपि गुथिसंगको सहकार्यमा आफ्नो टिमले विभिन्न जिल्लामा गएर क्यालिजात्राको नाममा रञ्जना लिपि वर्कशप गरेको रमाईलो अनुभव सुनाए । क्यालिजात्रामा ४००० भन्दा बढीलाई रञ्जना लिपि सिकाएको बताए । युवायुवतीहरु गफ गर्ने क्रममा आफुहरु ७ वटा समुहमा बाँडिएर खाजा खाँदै लेखेरै छलफल गरे । आधा घन्टा जति गफे पछि सबै समुहले निकालेका निष्कर्ष सुनाउन तम्तयार भए ।
आफु कहाँ ग्राफिक्स र एनिमेशन सिक्न आउनेहरुलाई एनिमेशनमा रञ्जना लिपि पनि राखेर सिकाउने जुक्ति निकाले भने अर्काे समुहले वेविनार गरेर विदेशमा रहेका आफ्नो साथीहरुलाई रञ्जना लिपि सिकाउने ईच्छा व्यक्त गरे । गफ कै क्रममा एउटा समुहले क्तबचदयह मा जस्तै कफि चिया पिउन आउनेहरुको नाम कपैमा रञ्जना लिपिले लेखेर दिँदा ग्राहक निकै दंग हुने कुरा सुनाए ।
अर्का एक समुहले रञ्जना लिपिलाई बर्थडे केक र कार्डमा पनि प्रयोग गर्न सक्ने बताए भने अर्का एक समुहले भालेन्टाइन डे र टोकन अफ लभमा पनि व्यापक रुपमा रञ्जना र नेपाल लिपि प्रयोग गर्न सक्ने बताए । मोबाइलको न्क्ष्ँ र स्टिकरमा रञ्जना र नेपाल लिपिबाट विभिन्न सन्देश लेख्न सकिन्छ यति मात्र हैन युट्युवबाट लिपि सिकाउन सक्ने कुरा पनि गरे । फेसबुकमा विभिन्न प्रकारका फोटो राखे जस्तै रञ्जना र नेपाल लिपिबाट लेखेको शिलालेख र यसको लिपि अनुवाद मात्र राख्न सके पनि धेरै ऐतिहासिक तथ्य पनि थाहा पाउन सक्ने कुरा अघि सारे । र, अन्त्यमा एक समुहले बच्चाहरुको स्कुल व्यागमा स्कुलको नाम छापेर दिंदा रञ्जना र नेपाल लिपिको प्रचार प्रसार निकै व्यापक हुने बताए ।
३ घन्टा लामो लिपि गफको अन्त्यमा गुथिका उपाध्यक्ष अनिल स्थापितले रञ्जना लिपिको ऐतिहासिक पक्षका बारे केहि प्रकाश पार्नु हुँदै असार १४ गतेवसन्तपुरमा गुथिले वृहत लिपि नखः गर्ने जानकारी प्रदान गरे ।
Liked by:
