मैले भन्ने गरेकि "उ"

"उ", उ अर्थात सर्वनाम कि उ । भाषा र ठाउँ अनुसार उ फरक छे, बिल्कुलै फरक । उ त एक तरंग हो । तरंग मतलब धुनको तरंग, सुरिलो धुनको तरंग । स्वर साधना जस्तै । जुन भारतको विभिन्न स्थान र जापान तिर पनि प्रचलित थियो । उसकै नामबाट विभिन्न स्वर हरुको निर्माण हुन्थयो । अनि उ पनि कम कहाँ छे र ? उसको कण्ठ बाट निस्कने हरेक स्वर कुनै सुर हो र उसको जिब्रो र दाँतमा ठोकिँदै अोठबाट फुस्कने हरेक शब्दहरु गित हुन् । कुनैकुनै पल लाग्दथ्य‍ो उ मायालु पारामा बोल्दा रोमान्टिक गित बन्दथ्यो । रिसाउँदा रक गित बन्दथ्यो । उ उदास हुँदा पिडाको गित बन्दथ्यो । उ एक्लै हुँदा बियोगको गित बन्दथ्यो । उसँगै हुदा मिलनको गित बन्दथ्यो । यस्तै आदि ईत्यादि ।

मैले भनेजस्तै उ ठाउँ र भासा अनुसार फरक तरिकाले चिनिन्छे । उसकाे जस्तै नाम गरेका कोहि छिटपुट रुपमा जापान तिर पाईए पनि प्राय ईरान, साउथ अफ्रिका र समुन्द्र तिर बस्दथें, तर उ भने प्राय यहि मुटुमै हुन्थि । उनिहरु एसियामा दुर्लभ छन भन्ने तथ्यांक अनुसार भेटिन्छ । उ पनि त दुर्लभ नै छे । उस्तै उस्तै मानिस विश्वमा ५ जना भेटिन्छन् रे! तर भगवानले उ जस्तो अरु ४ वटा बनाउन कष्ट गरेहोलान जस्तो मलाई लाग्दिन । उनीहरु उ जति चन्चल, उ जति सुन्दर थिए वा थिएनन् खै! जहाँसम्म मलाई लाग्छ उ उनिहरु भन्दा कम थिईन । उनिहरु साना थिए उ पनि मेरो नजरमा सानि नै थिई चाहे बैँस चढेर आफुलाई एक जवान ठान्दि हो उ मेरा नजरमा बच्चा नै थिई । उनिहरु आँकासमा स्वतन्त्र भएर उड्थे उ पनि कम थिईन भुर्र उडेर कहिले मन मस्तिष्कमा आउथि त कहिले अलप हुन्थि, यदि स्वतन्त्र नहुदिहो त उ सजिलै आउन जान पो कहाँ सक्थि र ?

उ एक प्रकृति बराबर नै छे । उसका आँखामा गहिरो सागर छ जहाँ कल्पनाको डुबुल्की मार्न सकिन्छ । केही पलको लागि हराउन सकिन्न । उसका केसहरु घना बादल हुन जहाँ सितलताक‍ो महसुस हुन्छ । हावाको झोँक सँगसँगै बिस्तारै बिस्तारै लहराउछन । उसका दाँतहरु हिमाल बराबर छन् जहाँ बिहानिको घामको झुल्कोले टर्लक्क टल्काए जस्तै । उसको अोठले पिपलको पातको संकेत गर्दछ भने उसको पहिरन ठ्याक्कै ईन्द्रेणी जस्तै लाग्दछ । अझ उसकै नामबाट नेपालको एक ताल पनि छ । घना प्राकृतिक सौर्न्दर्य नै बोकेकी उ । उ हो बुलबुल, मैले भन्ने गरेकि बुलबुल ।

-------

हाम्रो पात्रोको 'ब्लग/साहित्यमा' यदि यहाँहरू पनि अाफ्ना लेख रचना सार्वजनिक गर्न चाहनुहुन्छ भने हामीलार्इ तपार्इको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत [email protected] मा इमेल पठाउनुहोस्|