Katha Pidaa | Hamro Patro

ब्लग - साहित्य / लघू कथा

पीडा




   किशन पौडेल - Dec 17 2020

ऊ आफ्नो साहित्य साधनामा एकदमै मन्त्रमुग्ध रूपमा दत्तचित्त भएर लागेको थियो । हर हमेसा केही न केही लेखिरहने सोचिरहने कल्पनाको उडानमा मग्न थियो ।

यता घर व्यवहार भद्रगोल हुँदै गएको थियो । श्रीमतीजी घरको काम धन्धाले भ्याइ नभ्याई थकित हुँदै दैनिक आर्थिक समस्याहरुले पिरोलिँदै गएकी थिइन ।

अति नै भएपछि एक दिन श्रीमतीजी झोक्किन -
"होइन तपाईँको के चाला हो ? ताइँ न तुही रातदिन एकोहोरो घोत्लिएको छ" ! "तपाईँको कथा , कविताले मुखमा माड कसरी लाग्छ ? " कसरी चुल्हो बल्छ र भात पाक्छ तपाईँको साहित्यले ? अब म सक्तिन यसरी रातदिन तपाईँको सेवा गरेर बस्न "

श्रीमतीका यथार्थवादी कडा शब्दहरूले उ झसङ्ग भयो । मन भित्र श्रीमतीजीका कुराहरू गम्न थाल्यो ।
हुन पनि हो रातदिन घोत्लियो पत्र पत्रीकामा कथा, कविता लेखेर पठायो पोस्ट गर्‍यो एक पैसा दिने होइनन् । उनीहरू कै पत्रीकाको सौन्दर्य बढाएर पाठकहरू जम्मा गरिदियो उनीहरूकै पत्रीकामा विज्ञानको ओइरो लाग्ने ।

आफूलाई भने आत्मसन्तुष्टि सिवाय केही छैन । आफ्नो स्वान्तः सुखायको लागि श्रीमतीजी लाई सधैँ किन बेचैन र दु:खी बनाउनु भन्दै आफूले कोरेका डायरीका पन्नाहरू पल्टाउँदै घोरिँदै सोच मग्न हुन थाल्यो ।

अनि भएभरका डायरीहरू बटुलेर सरासर भान्सामा गयो र सलाई कोरेर बाल्न थाल्यो । डायरीका पन्नाहरू हुर्हुर बल्न थाले र माथि बाट प्रेसर कुकरमा चामल हालेर बसाल्यो कुकरले एक दुई सिट्ठी जोडले बजायो ।

श्रीमतीजी दौडिएर भान्सामा आइन् त्यो दृश्य देखेर उनी अचम्मित भइन ।

ऊ पीडा मिश्रित स्वरमा स्पष्टीकरण दिँदै प्रमाणित गरेर देखाउँदै थियो हेर त मैयाँ ! कसरी भात पाक्दो रहेछ साहित्यले बुझिस् ।

------
हाम्रो पात्रोको 'ब्लग/साहित्यमा' यदि यहाँहरू पनि आफ्ना लेख रचना सार्वजनिक गर्न चाहनुहुन्छ भने हामीलाई तपाइँको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत [email protected] मा इमेल पठाउनुहोस्।



Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.