Bs 2076 As Astrology | Hamro Patro
DOWNLOAD APPS BY HAMRO PATRO

ब्लग - साहित्य / अध्यात्म

ज्योतिष शास्त्रानुसार कस्तो रहनेछ बि.सं. २०७६ साल ?




   ज्यो.पण्डित नारायण प्रसाद दुलाल - Apr 10 2019

शुक्रका कारण जनता सामाजिक र धार्मिक कार्यमा रुचि बढ्नेछ । राज्यका सबै ठाउँमा यज्ञयज्ञादि आयोजना हुनेछन् । बुधको ग्रहगोचरका कारण सौन्दर्य प्रसाधनका सामग्रीहरु, फेसन डिजाइनका वस्तुहरु, रत्न सुन, शङ्ख , पानि लगायतका वस्तुहरुको मुल्यवृद्दि हुन्छ ।



वि. सं. २०७६ सालमा विरोधकृत् नामको संवत्सरको समाप्तिसँगै परिधावी नामक संवत्सरको प्रवेश हुने भएको छ । हाम्रो नेपाललाई पर्ने प्रभाव र यस बर्षको ग्रहगोचर लाई विचार गर्दा परिधावी नामको संवत्सरमा परस्पर विरोधी भावले युक्त, शाशकवर्गमा कलह, शासकहरु सानातिना कुरामासमेत झै झगडाकोलागि तत्पर हुनेछन् र राजनेताहरूको आन्तरिक द्वन्दको कारणले जनताले दु:ख पाउनेछन् । मध्ये पश्चिम नेपालमा प्राकृतिक विपत आउन सक्छ । सबै प्रदेशमा खाद्यान्न वस्तुहरुको मुल्यवृद्धि हुनेछ । वर्षा याममा तराईमा बाढी र पहाडमा पहिरोको डर र त्रासको वातावरण बन्नेछ । सबै प्रदेशमा खण्डवृष्टि हुनेछ । वर्षा याममा वृष्टि कम हुनाले बालिनालीमा कमि आउनेछ र आन्न तथा धान्यादि वस्तुहरुको उत्पादनमा कमी हुनेछ ।
ग्रहमण्डलामा शनि ग्रह राजा पदमा आसीन भएकाले अधिकांश मुलुकमा जलवर्षणमा कमी आउनेछ । शासकहरुमा एक आपसमा द्वन्द बढ्नाले तनावको स्थिति बन्नेछ ।

यो वर्ष राजा ग्रह सुर्य मन्त्रीको पदमा रहेकाले राजभय, आर्थिक भर बढ्ने, रोगभय एवं चोरी डकैतिको डरका बाबजुद धनधानन्यको प्राप्तिले थोरै राहत मिल्नेछ । धुम्रपान, मध्यपन सहित तरल पदार्थको मुल्यवृद्धि हुनेछ । फल, फूल सहित सम्पूर्ण बनस्पतिको मुल्यमा तेजी आउनेछ । गहुँ, मकै, जौ, चना तथा दुध उत्पादन बढ्नेछ । जनतामा देशविकाससम्बन्धी भावना बढ्नेछ ।

शुक्रका कारण जनता सामाजिक र धार्मिक कार्यमा रुचि बढ्नेछ । राज्यका सबै ठाउँमा यज्ञयज्ञादि आयोजना हुनेछन् । बुधको ग्रहगोचरका कारण सौन्दर्य प्रसाधनका सामग्रीहरु, फेसन डिजाइनका वस्तुहरु, रत्न सुन, शङ्ख , पानि लगायतका वस्तुहरुको मुल्यवृद्दि हुन्छ । दैविय विपत्ति, भुकम्प, भूस्खलन, हवाई दुर्घटना, हिमपात एवं तुसार पातको सम्भावना र तस्करभयपनि बढ्नेछ । प्राकृतिक प्रकोपको सम्भावना तथा सुरूका र तिन महिना र अन्तिमका तिन महिनामा उपद्रव, दुर्घटना, आपदाहरु, विस्फोट, अशान्तिको संभावना देखिन्छ। राज्यमा सिमा विवादको सम्भावना ,देश एवं विशेष नगरहरुमा नाकाबन्दी जस्ता अशुभ फलहरु बढ्नेछन् । यसैगरी सामुहिक दुर्घटनाहरू बढेर जानेछन् । शेयरबजारमापनि मन्दि नै उनेछ । विदेशबाट भने सहयोग पईनेछ। राज्यको शैक्षिक स्तरमा भने उन्नति एवं प्रगति हुनेछ र आधुनिक विज्ञानको विकाश हुनेछ ।

त्यसै गरि सरकारी कर्मचारीहरूको जागिर बढ्नेछ । जगल्लग्न कुण्डलि विचार गर्दा लग्नेश बुध निच राशिमा ,मन्त्रि सुर्य अष्टम स्थानमा र राजा शनि बृहस्पति र केतुको साथमा रहेकाले राज्यले उचित विज्ञ नपाउँदा र सहि सल्लाहकारको पहिचानको अभावमा सरकार अनिर्णयको स्थितिमा रहनेछ र गलत व्यक्ति एवं संस्थाको सल्लाहअनुसार कार्यान्वयनमा तत्पर हुनाले विवादको स्थिति देखा पर्नुका साथै जनताले ब्यर्थको दु:ख पाउनेछन् अत: सबैले सत्कर्ममा मन लगाएर इमानदार पूर्वक असल कार्य मात्र गरेदेखि अवस्यपनि सफलता एवं सुखको अनुभूति मिल्नेछ । अस्तु । जय श्रीपशुपतिनाथ ।।



Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.