Dhani Banna Chahane Le Chodnuparne Yi Baniharu | Hamro Patro
Make Kundali | Buy Tickets | Live Video Call

ब्लग - साहित्य / अध्यात्म

धनी बन्न चाहनेले छोड्नुपर्ने यी बानीहरु




   ज्यो. पं. मुकुन्द शर्मा - Dec 16 2019

वर्तमान समयमा सबैले महालक्ष्मीको कृपा आफूप्रति रहिरहोस् भन्ने चाहन्छन् किनभने जसलाई महालक्ष्मीजीको कृपा प्राप्त हुन्छ उसलाई सुख सुविधा सबै उपलब्ध हुन्छ l प्रत्येक व्यक्तिले लक्ष्मीजीलाई कसरी प्रसन्न पार्ने भने चाहना रहिरहेको हुन्छ l धार्मिक वा नैतिक मान्यता अनुसार हिन्दू धर्मग्रन्थमा लक्ष्मी प्रसन्न भएर धनवर्षा गराउने र लक्ष्मी रिसाएमा आर्थिक कारोवार बिग्रने वा महालक्ष्मी रिसाउने दुबै नियमहरु बताइएको पाइन्छ l जसअन्तर्गत जो कोहीले पनि पाँच ओटा गल्ती गरेका छन् भने लक्ष्मीकृपा हुनसक्दैन l यदि यी गल्तिहरु मानिसले त के भगवान् विष्णुले स्वयं गरेमापनि लक्ष्मीले छोडिदिन्छिन् भन्नेकुरा शस्त्रोक्त रहेको छ, जुन पाँच गल्ती मनुष्यले नगरेर निम्नानुसार नियम पालना गरेमा सजिलै लक्ष्मी कृपा प्राप्त हुन्छ l

कुचैलिनं दन्तमलो पधारिणम् वह्वासिनम् निष्ठुर भाषीणम् च ।
सूर्योदये चास्त मिते सयानं विमुञ्चति श्री यदि चक्रपाणी ।।

-चाणक्यनीति

१.मैला कपडा लगाउने ।
२. दाँत नमाझ्ने ।
३. धेरै खाने ।
४. निष्ठुर (कठोर) बोली या अप्रिय वचन बोल्ने र
५. सूर्योदय र सूर्यास्तको समयमापनि सुत्ने ।

अत: लक्ष्मीजीको कृपा प्राप्त गर्न यी पाँच गल्ती मनुष्यले गर्नुहुन्न l

हाम्रा नीतिकार एवं नीति शास्त्रहरुले निर्दिष्ट गरेका नीतिहरुलाई पालना गरेमा मनुष्य जीवन सुख र समृद्धि बन्दछ l

 लक्ष्मी असुन्तुष्ट भएजस्तै ज्योतिषशास्त्रीय मान्यताअनुसार दरिद्र योग यसप्रकार रहेको छ l यदि कसैको जन्मकुण्डलीमा चार ओटा पापग्रहहरु केन्द्रमा र धनास्थानमा बसेका छन् भने दरिद्र योग हुन्छ l

कूर्रश्चतुर्षु केन्द्रेषु तथा क्रूरो धनेऽपि वा ।
दारिद्ययोगं जानीयात्स्ववंशस्य क्षयङ्करः॥
 
-ज्योति:सार

हाम्रानीतिशास्त्रहरुले निर्दिष्ट गरेका आचारहरुलाई पालना गरेमा मनुष्य जीवन सुखी र समृद्धि बन्दछ l लक्ष्मी प्राप्तीको लागि लक्ष्मीको आराधना एवं श्रीसूक्त को पाठ आदि गरेमा लक्ष्मी प्रसन्न भएर घरमा बासगर्दछिन् l यदि अनेकौं उपाय गर्दा पनि आर्थिक कारोबारमा समस्या छ भने विज्ञज्योतिषलाई आफ्नो जन्मकुण्डली देखाएर उचित समीक्षा गरी सरल सटिक र वैज्ञानिक ढङ्गबाट ग्रहबाधा हटाएर समस्या समाधान गरेर सुखी बन्न सकिन्छ l अस्तु ।।

–ज्यो. पं. मुकुन्द शर्मा

[email protected]



Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.