Santanpraptiyog | Hamro Patro
Make Kundali | Buy Tickets | Live Video Call

ब्लग - साहित्य / अध्यात्म

सन्तान प्राप्तिको योग




   ज्यो पं घनश्याम पोख्रेल - Jan 31 2020

जसरी गरिबलाई धनको महत्त्व हुन्छ त्यसैगरी निःसन्तान दम्पतीलाई सन्तानको महत्त्व हुन्छ । मानवसभ्यतालाई अगाडी वढाउन सन्तानबिनाको जीवन परिकल्पना पनि गर्न सकिँदैन । सबैले ब्रह्मचर्य धर्मको धारण गरे संसार कसरी अगाडी बढ्न सक्छ रु त्यसैले गृहस्थ धर्म नै उच्च मानिएको छ । सन्तान त भगवानको आशिर्वाद हो र यो महाप्रसाद मानिएको छ । हाम्रो समाजमा हरिवंश पुराण, गोपालसहस्त्रनाम, गणेश पुराण, सत्यनारायण पूजा, शतचण्डीआदि अनेक वैदिक तथा तान्त्रिक बिधिबाट सन्तान प्राप्तिको लागि प्रयास गरिन्छ । शास्त्रमा भनिएको छ ूअपुत्रस्य गति नास्ति शास्त्रेषु श्रुयते मुनेू अर्थात् सन्तानहिन मानिसको सदगति पनि मिल्दैन आफ्नो पुर्खाको ऋण तिर्न र घरलाई सुख, समृद्धि र वैभव प्राप्त गर्न लक्ष्मी अथवा छोरी र संसारको रथ अगाडी लान छोराको आवश्यकता पर्दछ ।

जन्मकुण्डलीमा पंचम भावलाई सन्तानभाव मानिन्छ । सामान्यतया ज्योतिषशास्त्रमा पंचमभाव बलवान भएर बसेको छ भने सन्तानप्राप्ति योग बन्दछ । महिलावर्गमा शुक्र बलवान् भएर बसेको छ भने गर्भ हुने प्रवल सम्भावना हुन्छ । बृहस्पतिग्रहले गर्भलाई स्वस्थ फल दिन्छ । यदि लग्नमा अथवा पाँचौं घरमा शुभग्रहको दृष्टि परेको छ अथवा पंचमेश र लग्नेशको युति परेको छ भने सन्तान हुने सम्भावना रहन्छ । जन्मकुण्डलीमा शुक्र अथवा बृहस्पतिको महादशा प्रत्यान्तरदशा चलेको छ भने पनि सन्तान हुने सम्भावना रहन्छ । यदि पाँचौं घरमा अशुभ ग्रहको दृष्टि परेको छ राहु अथवा पाप ग्रहको दृष्टी रहेको छ भने सन्तान नहुने समस्या देखापर्दछ । गर्भमा आएपनि सन्तान जन्मिन सक्दैन । शनि, केतु ग्रहको दृष्टि परेमा पनि राम्रो मानिँदैन । गर्भ रहेको समय लग्नेश पंचमेश अथवा पहिलो भाव, पाँचौं भाव र नवं भावको त्रिकोणात्मक सम्बन्धले शिशुकोबारेमा फलादेश गर्न सकिन्छ । पंचमभाव बुद्धि, सन्तान र निर्णयको घर मानिन्छ ।

रवीन्दुशुक्रावनिजैः स्वभागगैगुरौ त्रिकोणोदयसंस्थितेऽपि वा ।
भवत्यपत्यं हि विवी जिनामिमे करा हिमांशोर्विदृशामिवाफलाः॥

सूर्य, चन्द्रमा, मंगल तथा शुक्रग्रह आफ्नो नवमांशमा छ अथवा बृहस्पति त्रिकोण अथवा लग्नमा छ भने निश्चय नै सन्तान सम्भव छ ।

छागे सिंहे वृष लग्ने तत्स्थे सौरेऽथवा कुजे ।
राश्यंशसदृशे गात्रे जायते नालवेष्टितः॥

मेष, सिंह अथवा वृषको लग्न छ त्यसमा शनि या मंगल लग्नमा छ र जुन राशिको नवमांश छ र उसैको राशिको अङ्गलाई नालले बेरिएको शिशुको जन्म हुन्छ ।

चतुष्पादगते भानौ शेषैर्वीर्यसमन्वितैः ।
द्वितनुस्थैश्च यमलौ भवतः कोशवेष्टितौ ॥

यदि सूर्य  चतुष्पद राशिमा छ, अरू ग्रहहरू बलवान भएर बसेको छ र द्विस्वाभाव राशिमा छ भने जुम्ल्याहाको योग हुन्छ ।

शशाङ्कलगोपगतैः शुभग्रहैत्रिकोणजायाऽर्थमुखास्पदस्थितैः ।
तृतीयलाभक्षुगतैश्च पापकैः सुखी तु गो रविणा निरीक्षितः॥

चन्द्रमा या लग्नको साथ शुभग्रह छ अथवा लग्न या चन्द्रमाबाट ५, ९। ७, २, ४, १० स्थानमा शुभ ग्रह अथवा ३, ११ स्थानमा पापग्रह छ र लग्नमा या चन्द्रमामाथि सूर्यको दृष्टि परेको छ भने गर्भ स्वस्थ हुन्छ ।

इच्छाइएको पुत्र अथवा पुत्री प्राप्तिको लागिपनि सही समयमा गर्भाधान गर्यो भने पूर्वानुमान गर्न सकिन्छ । वैज्ञानिकपद्धति अनुसार जस्तै जन्मकुण्डलीको अनेक विश्लेषणबाट पुत्र अथवा पुत्रीको योग फलादेश गर्न सकिन्छ । आधुनिक समयमा जीवविज्ञान अथवा अन्य आधुनिक चिकित्सा शास्त्रबाट शिशुकोजन्म निसन्तान दम्पतीलाई दिएजस्तै जन्मकुण्डलीबाट पनि सही दिशानिर्देश गर्न सकिन्छ । महिलाहरूको ऋतुधर्म अनुसार मंगलग्रह र चन्द्रमाग्रहको ग्रहगोचरबाट र महिलाको जन्मराशिबाट उपयुक्त समयमा मंगलको दृष्टि पर्यो भने गर्भ रहन सक्दछ । यदि पुरुषको जन्मकुण्डलीमा चन्द्रमा, शुक्र अथवा सूर्य विषम राशिमा बलवान् भएर बसेको छ भने र सन्तानघरको मालिक र लग्नेशको युति भएर बसेको छ भने पुरुषलाई गर्भाधानको लागि उपयुक्त समय बनाइदिन्छ । सामान्यतया सन्तानको लागि महिलालाई मात्र दोषी मान्नु सरासर गलत हो । सन्तान प्राप्तिको लागि दुवै जनाको भूमिका रहन्छ । आधुनिकविज्ञान र चिकित्साशास्त्रले प्रमाणीकरण गरे जस्तै ज्योतिषशास्त्रले पनि महिला पुरुष दुवैको जन्मकुण्डलीको आधारमामात्र सन्तानप्राप्तीको विश्लेषण गर्न सक्दछ ।

ज्य. पं. घनश्याम पोख्रेल



Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.