विश्व शहरीकरण दिवस | Hamro Patro

ब्लग - साहित्य / नेपाली चाडपर्व तथा विशेष दिनहरु

विश्व शहरीकरण दिवस




विश्व शहरीकरण दिवस विशेष अडियो सामग्री

आज ‘विश्व शहरीकरण दिवस २०२१’ विश्वभरि अनेक कार्यक्रम गरी मनाइँदैछ । विश्वमा पछिल्ला वर्षमा कोरोना भाइरस कहर र फैलिँदो संक्रमणका कारण औपचारिक कार्यक्रम भएका थिएनन् ।

यद्यपि सन् २०२१ मा चाहिँ सुस्तरी विश्व सामान्य हुँदैछ । ‘भर्चुअल’बाट फेरि विस्तारै भौतिक सेमिनारहरू हुने क्रमको शुरुआत भएको छ । यो भौतिक कार्यक्रमहरूबीचमै सन् २०२१ को विश्व शहरीकरण दिवस मनाइँदैछ । आज यूएनहेबिट्याट र इजिप्ट सरकारको संयुक्त आयोजनामा इजिप्टको लक्जर शहरमा विश्वभरिका देशका प्रतिनिधिहरूको संलग्नतामा विश्व शहरीकरण दिवस मनाइँदैछ ।

अक्टोबर ३१, २०१४ मा पहिलो शहरीकरण दिवस मनाइएको थियो । सन् २०२१ को विश्व शहरीकरण दिवस आठौँ संस्करण हो । अक्टोबर महिनालाई अर्बन अक्टोबर भनिन्छ, शहरी महिनाका रुपमा अक्टोबर मासको अन्तिम दिनलाई शहरीकरण दिवसका रुपमा मनाइन्छ । उत्कृष्ट शहर, उत्कृष्ट जीवन भन्ने सोचलाई मध्यनजर गरी हरेक वर्षको अक्टुबर ३१ को दिन विश्वभरि शहरीकरण दिवस मनाइन्छ । सन् २०१४ मा चीनमा ‘प्रमुख शहरी रूपान्तरण’ भन्ने नाराका साथ पहिलो शहरीकरण दिवस मनाइएको थियो ।

गाउँको छुट्टै मौलिक पहिचान हुन्छ । तर, शहर भन्ने बित्तिकै सबैको अनुमानमा सुविधासम्पन्न संसार भन्ने धारणा हुन्छ । शहर एक ठूलो मानव समुदायलाई व्यवस्थित आवास, यातायात, स्वच्छता, उपयोगिता, भूमिको उपयोग र संचारका लागि व्यापक सुविधायुक्त जगत हो । शहरीकरण भन्नाले एक स्मार्ट र हरियो शहर बनाउने भन्ने मात्र पनि हैन, यो त सांस्कृतिक, सामाजिक, आर्थिक र राजनीतिक जगतको स्थापना गर्नु पनि हो ।

अन्तर्राष्ट्रिय समुदायको हितलाई बढावा दिन विश्वव्यापी शहरीकरणको अवसरहरू भेट्न, शहरीकरणको चुनौतिहरू सम्बोधन गर्न, गाउँ र शहरहरूबीचको सहयोग बढाउन र शहरी विकासका लागि योगदान पुर्याउन विश्व शहरीकरण दिवस मनाइन्छ ।

सन् २०२१ को शहरीकरण दिवसको नारा चाहिँ Adapting Cities for Climate Resilience हो, जलवायु परिवर्तनमा शहरीकरणको भूमिका र व्यवस्थित शहरीकरणको महत्वलाई यस वर्ष विशेष ध्यान दिइएको छ । शहरीकरण दिवसको अर्थपूर्ण शुभकामना ।

हाम्रो पात्रोका लागि सुयोग ढकाल



Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.