चलचित्र पत्रकार संघ नेपालले यसवर्ष आफ्नो २१सौं वार्षिकोत्सव मनाँउदैछ, संघले हरेक वर्षको जेष्ठ ७ गतेलाई चलचित्र पत्रकारिता दिवसका रुपमा मनाँउदै आएको छ । यसरी नेपालका बिभिन्न स्थानहरुमा चलचित्र पत्रकार संघले भेला आयोजना गर्दै चलचित्र पत्रकारितामा योगदान दिएका पत्रकारहरुलाई सम्मान र अभिनन्दन गर्ने क्रम रहेकोमा यस वर्षको लकडाउन र कोरोना त्रासका बिच डिजीटल भेला मार्फत यस दिवस मनाउने जनाएको छ । संघका तर्फवाट आधिकारीक बिज्ञप्तीमा यस वर्षको चलचित्र पत्रकारिता दिवस डिजीटल भेलाका माध्यमले गर्ने जनाइएको छ ।
रंगमंञ्चको दुनिँयाको रगिंन खबरहरुप्रति सबैजनालाई अभिरुची र जिज्ञासा रहन्छ, यी खबरहरु भेला पार्न, प्रकशन प्रसारण गर्न चलचित्र पत्रकारहरुको ठूलो भूमिका रहन्छ । कलाकारहरुका बास्तविक जीवनका घटना, फिल्मका रोल देखि अन्य अनेक खबर र अपडेटहरु यिनै पत्रकारहरुको अनवरत कसरत र जुझारुपनाको उपज हो । यसवर्ष नेपाली रगंमञ्चले दुईजना हस्तीहरु नमिठो गरि गुमाएको छ, चलचित्र बिकास वोर्डका अध्यक्ष केशव भटराई र सिद्धहस्त कलाकार दिपक क्षेत्री एकदिनको अघिपछिमा मात्र बितेका हुन्, दिपकको मृत्यूमा शोक व्यक्त गरेका केशवको दिपकको मृत्यू भएको भोलीपल्ट मृत्यूभएको थियो । दुबैजना कलाकारलाई हाम्रो संवेदना ।
नेपाली रगंमञ्च यि पत्रकारहरुको उल्लेखनीय योगदान नहुनेथियो भनें हामी पनि पत्रिकाका हेडलाइन् भन्दा पनि रंगिन पानाहरु केलाउँदै हिरोहिरोइनका समाचारहरु नियाल्दै हुर्किने थिएनौ होला । रंगमञ्च उदाइरहन र चलचित्र फष्टाइरहन यि पत्रकारहरुको अनवरत सहभागीता चाहिन्छ, आजको विशेष दिनको शुभकामना ।
सुयोग ढकाल
Liked by:
