नेपाल गौरव यात्रा | Hamro Patro

ब्लग - साहित्य / नेपाली चाडपर्व तथा महत्त्वपूर्ण दिनहरू

नेपाल गौरव यात्रा





संसारका विभिन्न कुनाहरूमा क्वयेर विविधताको दृश्यता, अधिकार र उत्सवका लागि क्वयेर विविधताका व्यक्तिहरू तथा समर्थकहरू भेला हुने र लैक्वयेर विविधताको उत्सव एवं अधिकारको संघर्षका रूपमा गरिने सार्वजनिक  र्‍यालिलाई गौरव यात्रा भनिन्छ । गौरव यात्रा दुई भावनाको समिश्रण हो, एउटा विद्रोहको र अर्को उत्सवको ।

कोभिड-१९ को विश्वमारीले विश्वको ठूलो हिस्सालाई नै घर भित्र बस्न बाध्य गरेको छ । सार्वजनिक भेला गर्न असम्भव भएको अवस्थामा, यस वर्षको गौरव यात्रा अनलाइन गौरव यात्रा हुनेछ।

गत वर्षदेखि हरेक वर्ष जून महिनाको दोस्रो शनिबारलाई गौरव दिवस घोषणा गर्दै अन्तर्वर्गिय वा विविधतापूर्ण नेपालकै पहिलो स्वतन्त्र र स्वायत्त गौरव यात्राको आयोजना भएको थियो। यस वर्षको दोस्रो वार्षिक नेपाल क्वयेर /सिमान्कृत यौन अभिमुखिकरण, लैङ्गिक पहिचान तथा यौन विशेषताका व्यक्तिहरूको गौरव यात्रा पुनः अर्कै ढङ्गमा यस वर्ष विशेष रहनेछ ।

यस वर्षको गौरव यात्रामा दुई मुख्य कार्यक्रमहरू हुनेछन् :
१. टुइटाथोन र इन्स्टाथोन
२. कार्यक्रम तथा सत्र

टुइटाथोन र इन्स्टाथोन बिहान ११ बजे देखि दिउँसो १ बजे सम्म हुनेछ । सामाजिक संजालमा विभिन्न विषयहरूमा अन्तर्क्रिया गर्दै री-टुइट / सयेर गरेर  टुइटाथोन र इन्स्टाथोन आयोजना गरिनेछ ।

टुइटाथोन र इन्स्टाथोनको बेला गौरव दिवस र क्वयेर हुनुको बारेमा विभिन्न पोष्टहरू टुइटर र इन्स्टामा राख्न सक्नेछन् । फोटो लिऔँ, भनाईहरू लेखौँ, कविता लेखौँ, आफूलाई रिकर्ड गरौँ, वा शायद गीत गाऔँ, जे मनलाग्छ या जसरी आफूलाई अभिव्यक्त गर्न मन लाग्छ त्यसरी नै ट्वीटर र इन्स्टाको माध्यमबाट आफूलाई अभिव्यक्त गर्न सकिनेछ । आफूलाई प्रस्तुत गरौँ, खुलेर express गरौँ, नाचौँ, इत्यादी । गौरव झण्डाहरू छ ? आफ्नो घरबाट हलाऔँ, राखौँ, फोटो लिऔँ, पोष्ट गरौँ । तपाइँको इच्छा अनुसार जति सजिलो गर्न चाहेपनि वा जति सृजनशील हुन चाहेपनि, गौरव दिवस सम्बन्धित इच्छुक व्यक्तीहरुले आफ्नो सामाग्री बनाउन सक्नेछन् ।

तर सामाग्रीहरू पोष्ट गर्दा #NepalPrideParade र #NPP2020 हायस-टायग राख्न भने जरुरी हुनेछ ताकि यस सम्बन्धी सबै पोष्टहरू री-टुइट, सयेर र त्यसमा अन्तर्क्रिया गर्न सबैले सकून् । त्यसै गरी इन्स्टाग्राममा @nepalprideparade र टुइटरमा @PrideParadeNp मेन्सन गर्न सकिनेछ ।

आफैले पोष्ट गर्न सहज महसुस नगर्नेहरुले भने [email protected] मा आफुले बनाएको सामाग्री ईमेल गर्न समेत सकिनेछ । यसरी पठाउँदा पठाउने व्यक्तिको पहिचान गोप्य राख्दै पोष्ट गरिने सुविधा समेत आयोजकहरुले यस वर्ष राखेका छन् ।

आजको दिन इन्द्रेणीको रङ्गमा टुइटर र इन्स्टाग्रामलाई चमक्न दिऔँ । यो विशेष दिनको सबैलाई शुभकामना ।



Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.